আকৌ তালিবানী ফতোৱা, চুলি কটা, দাঢ়ি কটা ইত্যাদি কেইবাটাও বিষয়ত পুৰুষে মানিব লাগিব নিৰ্দেশনা, অন্যথা কাৰাবাসৰ ওপৰিও দিয়া হ’ব এই শাস্তি

তালিবানৰ এই ফতোৱা আৰু নীতিত আৰক্ষীৰ ভূমিকাক লৈ সকলোতকৈ বেছি ক্ষতিগ্ৰস্থ হৈছে ক্ষুদ্ৰ ব্যৱসায়ী আৰু বেচৰকাৰী শিক্ষাকেন্দ্ৰ৷ ইয়াৰ সৈতে নানান বিধিনিষেধৰ কাৰণে আফগানিস্তানৰ বাসিন্দাসকলৰ ব্যক্তিগত স্বাধীনতা বুলি কোনো কথাই নাই৷ বিগত বৰ্ষৰ আগষ্ট মাহত তালিবান চৰকাৰ আৰু মন্ত্ৰণালয়ে আফগানিস্তানৰ বাসিন্দাসকলে দৈনন্দিন জীৱনত কি কি মানিব লাগিব বুলি একাধিক নিৰ্দেশ দিয়া হৈছে৷

গণ পৰিবহণ, সংগীত, গাঢ়ি কমোৱা আৰু উৎসৱ উদযাপন কৰাৰ ক্ষেত্ৰতো নিৰ্দেশ দিয়াৰ সৈতে কেইবাখনো আইন জাৰি কৰা হৈছে৷ সকলোতকৈ উল্লেখযোগ্য বিষয়টো এয়াই যে মন্ত্ৰণালয়ে জনাই দিছে জনমানসত মহিলাই মুখ খুলিব নোৱাৰিব৷ অৰ্থাৎ কোনো বিষয়তেই মত ৰাখিব নোৱাৰিব৷ প্ৰকাশ্যে মুখো দেখুৱাব নোৱাৰিব মহিলাই৷

এই বিষয়টোক লৈ পূৰ্বেও তালিবানক সতৰ্ক কৰিছিল ৰাষ্ট্ৰপুঞ্জই৷ ৰাষ্ট্ৰপুঞ্জৰ এগৰাকী অধিকাৰীয়ে জনাইছে যে মহিলাসকলৰ কৰ্মসংস্থান, শিক্ষা আৰু পোছাক বিধিক বিধিনিষেধ যুক্ত কৰি তালিবানে যি আইন আনিছে সেয়া ভৱিষ্যতৰ বাবে খুবেই বেয়া৷ এই ধৰণৰ বিধিনিষেধ জাৰি নকৰাৰ বাবে ৰাষ্ট্ৰপুঞ্জৰ তৰফৰ পৰা জনোৱা হৈছিল তালিবানক৷ এই বিষয়ক লৈ উদ্বেগ প্ৰকাশো কৰা হৈছিল৷ কিন্তু নৈতিকৰা আইন সম্পৰ্কে ৰাষ্ট্ৰপুঞ্জৰ উদ্বেগক কোনো গুৰুত্বই নিদিলে তালিবানে৷

শেহতীয়া সিদ্ধান্তসমূহক লৈ আকৌ মুখ খুলিছে ৰাষ্ট্ৰপুঞ্জই৷ তেওঁলোকে জনাইছে যে, এই আইন আৰম্ভ হোৱাৰ পাছত তালিবানী নিৰ্দেশ মানি চুলি দাঢ়ি নকটাৰ বাবে বহুজনক গ্ৰেপ্তাৰ কৰাটো ন্যায়সংগত নহয়৷ ৰমজানৰ সময়ত নামাজত যোগ দিয়াটো বাধ্যতামূলক কৰা হৈছিল৷ যিসকলে নামাজত যোৱা নাছিল তেওঁলোকক ধৰা হৈছে বুলিও ৰিপৰ্টত উল্লেখ কৰিছে ৰাষ্ট্ৰপুঞ্জই৷ ইয়াৰ প্ৰভাৱ পৰিছে তাৰ অৰ্থসামাজিক পৰিস্থিতিতো৷ বিশ্ব বেংকৰ এক ৰিপৰ্ট অনুসৰি মহিলাসকলৰ শিক্ষা আৰু কামৰ পৰা বঞ্চিত ৰাখিলে প্ৰতি বছৰে ১.৪ বিলিয়ন আৰ্থিক ক্ষতি হ’ব আফগানিস্তানৰ৷