মুখ্যমন্ত্ৰীৰ দুদিনীয়া কাৰ্বি আংলং ভ্ৰমণ! এই ভ্ৰমণত কাৰ্বি আংলঙবাসীৰ বাবে কি কি ভালখবৰ?

কাৰ্বি আংলং অঞ্চল আৰু ইয়াৰ দুখন জিলা- কাৰ্বি আংলং আৰু পশ্চিম কাৰ্বি আংলঙে অসমৰ উন্নয়নৰ যাত্ৰাত যথেষ্ট গুৰুত্ব বহন কৰি আহিছে। অতীতৰ কংগ্রেছ চৰকাৰৰ দ্বাৰা বহু বছৰৰ অৱহেলাৰ পাছত আমাৰ চৰকাৰে অঞ্চলটোত উন্নয়নমূলক কাৰ্যসূচী দ্ৰুতগতিত আগবঢ়াই নিছে যাতে ই অসমৰ আন অংশৰ সৈতে উন্নয়নৰ সমতা স্থাপন কৰিব পাৰে। ২০২১ চনত আমি ৬টা সশস্ত্ৰ সংগঠনৰ সৈতে ঐতিহাসিক নিষ্পত্তি চুক্তি স্বাক্ষৰ কৰিছিলোঁ— যাৰ জৰিয়তে কেডাৰসকলে হিংসাৰ বাট এৰি মূলসুঁতিত যোগদান কৰি অসমৰ বিকাশ আৰু প্রগতিৰ যাত্ৰাৰ অংশীদাৰ হৈ পৰিছে।

আমাৰ ৰাজ্যৰ এই সুন্দৰ প্রান্তলৈ ২ দিনীয়া ভ্ৰমণ কৰি ১০০ কোটি টকাৰ বিভিন্ন উন্নয়নমূলক প্ৰচেষ্টা উৎসৰ্গা কৰি আপ্লুত হৈছোঁ আৰু আমি আগবঢ়োৱা বিভিন্ন আঁচনি-নীতি ৰূপায়ণৰ ক্ষেত্ৰত অগ্ৰগতিৰ বুজ লওঁ।

আজি জ্যেষ্ঠ বিষয়া আৰু কাৰ্বি নেতৃত্বৰ সৈতে অঞ্চলটোত চলিত বিভিন্ন পৰিকল্পনা আৰু কাৰ্যসূচীৰ পৰ্যালোচনা আৰু অঞ্চলটোৰ বাবে আমাৰ ভৱিষ্যতৰ দৃষ্টিভংগী ৰূপায়ণৰ বাবে এক ৰূপৰেখা নিৰ্ধাৰণ কৰিবলৈ এক বৈঠকত মিলিত হৈছিলোঁ।

বিস্তৃত বিষয়ৰাজিৰে আজিৰ আলোচনাৰ অন্যতম আছিল-

• এক বন্যপ্ৰাণী সংমণ্ডলৰ পুনৰ্গঠন আৰু সৃষ্টি

• দুয়ো জিলাত খনিজ অন্বেষণৰ সম্ভাৱনা

• ভূমি সংস্কাৰ- দীৰ্ঘদিন ধৰি স্থগিত থকা ভূমি বিবাদ সমাধান কৰি ভূমি হস্তান্তৰ প্ৰক্ৰিয়াসমুহ সৰল কৰাৰ ওপৰত এক বিশেষ গুৰুত্ব প্রদান

• ২০১১ আৰু ২০২১ বৰ্ষৰ নিষ্পত্তি চুক্তি ৰূপায়ণ আৰু প্ৰাক্তন কেডাৰসকলৰ কল্যাণ নিশ্চিত কৰা

• অমীমাংসিত আইনী বিধেয়কসমূহ

• লোক নির্মাণ, স্বাস্থ্য, গৃহ নির্মাণ আৰু নগৰ পৰিক্রমা, জনস্বাস্থ্য কাৰিকৰী আদিৰ দৰে বিভিন্ন বিভাগৰ দ্বাৰা আন্তঃগাঁথনি বিকাশ।

বিষয়াসকলৰ সৈতে বৈঠকৰ অন্তত নাগৰিকসকলৰ সৈতে মিলিত হৈ তেওঁলোকৰ সমস্যাবোৰ বুজ লৈছিলোঁ। তেওঁলোকে কাৰ্বি ভাষাৰ বিকাশ, শিক্ষা আৰু সাংস্কৃতিক সংৰক্ষণ, আন্তঃগাঁথনি বিকাশৰ সৈতে সম্পৰ্কিত গুৰুত্বপূৰ্ণ বিষয়সমূহৰ সন্দর্ভত দৃষ্টিগোচৰ কৰে। তেওঁলোকক আশ্বাস প্রদান কৰোঁ যে তেওঁলোকৰ সমস্যা বা দাবীসমূহ কাৰ্বি আংলঙৰ বাবে চৰকাৰৰ বিদ্যমান দৃষ্টিভংগীৰ সৈতে সংগতিপূর্ণ আৰু এইসমূহ নিষ্পত্তি বা সমাধান কৰাৰ বাবে আমি সৰ্বোচ্চ অগ্ৰাধিকাৰেৰে পদক্ষেপ গ্রহণ কৰি আছোঁ।

পৰ্যালোচনা বৈঠক আৰু জনসাধাৰণৰ সৈতে কথোপকথনৰ পাছত দৃঢ়ভাৱে বিশ্বাস কৰোঁ যে কাৰ্বি আংলং স্বায়ত্তশাসিত পৰিষদৰ পদক্ষেপৰ সৈতে সম্পৰ্কিত অসম চৰকাৰৰ প্ৰচেষ্টাই অঞ্চলটোত বিকাশৰ এক নতুন যুগৰ সূচনা কৰিব, মানুহৰ আশা-আকাংক্ষা পূৰণ কৰিব, আনহাতে তেওঁলোকৰ সুন্দৰ সংস্কৃতি আৰু প্ৰকৃতিক সুৰক্ষা প্রদান কৰিব।

মই পুনৰ কার্বি আংলংবাসী আৰু তেওঁলোকৰ উষ্ম সান্নিধ্যৰে জীপাল হ’বলৈ সোনকালে ইয়ালৈ আকৌ আহিবলৈ বাট চাই ৰৈছোঁ।