অৱশেষত টটে শিক্ষক ভিক্টৰ দাসক চাকৰিৰ পৰা নিলম্বন কৰা হ’ল৷ এজন চৰকাৰী শিক্ষক হৈও এটা ব্যক্তিগত কোচিং চেণ্টাৰ চলাই থকাৰ অভিযোগ তুলি এদিন পূৰ্বে বিজেপিৰ বিধায়ক তথা প্ৰাক্তন শিক্ষা মন্ত্ৰী সিদ্ধাৰ্থ ভট্টাচাৰ্য্যই ভিক্টৰ দাসক চাকৰিৰ পৰা নিলম্বনৰ দাবী উত্থাপন কৰিছিল৷
উল্লেখ্য যে, ভিক্টৰ দাসে অসম চৰকাৰৰ তৃতীয় আৰু চতুৰ্থ বৰ্গৰ ২৬ হাজাৰ চৰকাৰী চাকৰিৰ নিযুক্তিত কেলেংকাৰি সংঘটিত হোৱাৰ অভিযোগ তুলি গ্ৰেপ্তাৰ বৰণ কৰিছিল৷ গুৱাহাটী উচ্চ ন্যায়ালয়ে অন্তৱৰ্তীকালীন জামিন প্ৰদান কৰাৰ পাছতে প্ৰধান শিক্ষকৰ প্ৰতিবেদনৰ ভিত্তিত জিলা প্ৰাথমিক শিক্ষা বিষয়াৰ নিৰ্দেশত ভিক্টৰ দাসক নিলম্বন কৰা হয়৷
ভিক্টৰ দাসে ২০২১ বৰ্ষত পূৱ পানীটেমা ৰাধা কৃষ্ণ যুগল মিলন এল পি স্কুলত এগৰাকী টেট উত্তীৰ্ণ শিক্ষক হিচাপে যোগদান কৰিছিল৷
ভিক্টৰ দাসে চৰকাৰী চাকৰি কৰাৰ উপৰিও ক’চিং চেণ্টাৰ এটা কোচিং চেণ্টাৰ চলাই আহিছিল।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
