গুৱাহাটী মহানগৰীত সংঘটিত হোৱা এক জঘন্য দলৱদ্ধ ধৰ্ষণৰ ঘটনা পোহৰলৈ আহিছে৷ এগৰাকী ১৫ বছৰীয়া কিশোৰীক পাঁচ যুৱকে দলৱদ্ধভাৱে ধৰ্ষণ কৰি আহিছিল৷
ঘটনাৰ বিৱৰণীৰ মতে গুনৱাহাটী মহানগৰীৰ ঘাঁহিগাঁৱৰ এগৰাকী কিশোৰীক এজন যুৱকে প্ৰেমৰ চালনাৰে ধৰ্ষণ কৰি আহিছিল৷
শেহতীয়াকৈ পোহৰলৈ অহা ঘটনা অনুসৰি যোৱা ১৬ ফেব্ৰুৱাৰিত বিকি আলী নামৰ যুৱকজনে প্ৰলোভনেৰে ঘৰত কোনো নথকা অৱস্থাত প্ৰেমিকা কিশোৰীগৰাকীক নিজৰ ঘৰলৈ লৈ গৈছিল৷ নিজ ঘৰলৈ নি ঘৰত কোনো নথকাৰ সুযোগ লৈ কিশোৰীগৰাকীক উপৰ্যুপৰি ধৰ্ষণ কৰি মোবাইলেৰে ভিডিঅ’ ৰেকৰ্ডিং কৰে৷
লগতে পঢ়ক আসন্ন তৃতীয় বিশ্বযুদ্ধ! ৰাছিয়াক সকীয়ালে মাৰ্কিন ৰাষ্ট্ৰপতি জু বিডেনে
ইয়াৰ পিছতে অভিযুক্ত যুৱক বিকি আলীয়ে অন্য চাৰি সতীৰ্থসহ কিশোৰীগৰাকীক ব্লেক মেইলিং কৰিবলৈ আৰম্ভ কৰে৷ প্ৰকাশিত খবৰ অনুসৰি বিকি আলীয়ে চাৰি সতীৰ্থ ক্ৰমে ফইজুল আলী, পিংকু আলী, পোনা আলী আৰু ৰাজা আলীৰ সৈতে মিলি কিশোৰীগৰাকীক ব্লেক মেইলিং কৰি মহানগৰীৰৰ OYO হোটেললৈ নি দলৱদ্ধভাৱে উপৰ্যুপৰি ধৰ্ষণ কৰে৷
ইমানেই নহয় ব্লেক মেইলিং অব্যাহত ৰাখিবলৈ পাঁচ অভিযুক্তই কিশোৰীগৰাকীক ধৰ্ষণৰ দৃশ্য মোবাইলৰ কেমেৰাত বন্দী কৰে৷ ইয়াৰ পিছতে চাৰি অভিযুক্তই উক্ত ভিডিঅ’টো সামাজিক মাধ্যমতো ভাইৰেল কৰে৷
ঘটনা সন্দৰ্ভত যোৱা ৮ মাৰ্চত অৱগত হোৱাৰ পিছতে কিশোৰীগৰাকীৰ পৰিয়ালে পাণবজাৰ মহিলা আৰক্ষী থানাত এজাহাৰ দাখিল কৰে৷ ইতিমধ্যে আৰক্ষীয়ে POCSO আইনৰ অধীনত গোচৰ ৰুজু কৰি তদন্ত অব্যাহত ৰাখিলেও এতিয়ালৈকে এজনো অভিযুক্তক গ্ৰেপ্তাৰ কৰিবলৈ সক্ষম হোৱা নাই৷
লগতে পঢ়ক জু বিডেনৰ প্ৰশাসনত ভাৰতীয় মূলৰ নাৰীৰ দপদপনি অব্যাহত
ইতিমধ্যে আৰক্ষীয়ে ঘটনাৰ তদন্ত আৰম্ভ কৰি ভুক্তভোগী কিশোৰীগৰাকীৰ স্বাস্থ্য পৰীক্ষা সম্পন্ন কৰি পাঁচ অভিযুক্তৰ সন্ধানত অভিযান অব্যাহত ৰখা বুলি সাংবাদিকক জানিবলৈ দিছে৷
ইফালে অভিযুক্ত কিশোৰীগৰাকীৰ পৰিয়ালে পাঁচ অভিযুক্তৰ কঠোৰ শাস্তি দাবী উত্থাপন কৰিছে৷ পৰিয়ালৰ মতে কিশোৰীগৰাকী এইবাৰ হাই স্কুল পৰীক্ষাত অৱতীৰ্ণ হ’ব৷
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
