এগৰাকী ১৫ বছৰীয়া কিশোৰীয়ে নিজকে গুলীয়াই আত্মহনৰ চেষ্টা কৰিছিল৷ কিন্তু সৌভাগ্যক্ৰমে জীৱন ৰক্ষা পৰিছে কিশোৰীগৰাকীৰ৷
শুকুৰবাৰে আবেলি ডিব্ৰুগড়ৰ চহৰৰ আমোলাপট্টি গাৰ্ড কোৱাৰ্টাৰৰ নিজ বাসগৃহত এই কাণ্ড সংঘটিত কৰে কিশোৰীগৰাকীয়ে৷
প্ৰকাশিত খবৰ অনুসৰি ইশানী বেজবৰুৱা নামৰ ১৫ বছৰীয়া কিশোৰীগৰাকীয়ে শুকুৰবাৰে আবেলি নিজ বাসগৃহতে মূৰত গুলীয়াই আত্মহত্যাৰ চেষ্টা চলায়৷
লগতে পঢ়ক ২০ কিলোগ্ৰাম RDXৰে আত্মঘাতীয়ে উৰুৱাই দিব প্ৰধানমন্ত্ৰী মোদীক! মেইলযোগে ভাবুকি!
ঘটনাটো সংঘটিত হোৱাৰ পিছতে কিশোৰীগৰাকীক ততাতৈয়াকৈ ডিব্ৰুগড়ৰ অসম চিকিৎসা মহাবিদ্যালয় আৰু চিকিৎসালয়ত ভৰ্তি কৰোৱা হয়৷
বৰ্তমান ভেণ্টিলেটৰ চাপ’ৰ্ট চিকিৎসাধীন কিশোৰীগৰাকীৰ অৱস্থা সংকটজনক বুলি জানিব পৰা গৈছে৷
ইফালে আৰক্ষীয়ে সংবাদ মাধ্যমৰ আগত কিশোৰীগৰাকীয়ে আত্মহত্যাৰ চেষ্টা কৰিছিল নে নাই সেয়া স্পষ্ট নহয় বুলি প্ৰকাশ কৰিছে৷
লগতে পঢ়ক ‘ছোৱালীৰ সামৰ্থ্যক অস্বীকাৰ কৰিলে সমাজ আগুৱাই নাযায়’, প্ৰধানমন্ত্ৰী মোদী
‘‘এই মুহূৰ্তত এটো আত্মহত্যাৰ ঘটনা আছিল নে নাই সেয়া ক’ব নোৱাৰি৷ তদন্তৰ পিছতহে সমগ্ৰ ঘটনাটো স্পষ্ট হৈ পৰিব৷’’ ডিব্ৰুগড়ৰ অতিৰিক্ত আকক্ষী অধীক্ষক (মুখ্য কাৰ্যালয়ৰ) বিতুল চেতিয়াই ঘটনাৰ সন্দৰ্ভত এইদৰে কয়৷
প্ৰকাশ পোৱা অনুসৰি কিশোৰীগৰাকীৰ পিতৃৰ অনুজ্ঞাপত্ৰ থকা এগৰাকী অস্ত্ৰ ব্যৱসায়ী৷ তেওঁৰ বাসগৃহতে সংলগ্ন ‘ডিকেবি গান হাউচ’ নামৰ এখন অস্ত্ৰ ব্যৱসায়ৰ প্ৰতিষ্ঠান আছে৷
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
