এক আজব প্ৰেমৰ ঘটনাই চাঞ্চল্যৰ সৃষ্টি কৰিছে এটা অঞ্চলত৷ সংবাদ মাধ্যমৰ কৃপাত সেই চাঞ্চল্যই এতিয়া সমগ্ৰ দেশজুৰি ছানি ধৰিছে৷
সংবাদ মাধ্যমত প্ৰকাশিত খবৰ মতে এজন জোঁৱায়েকে নিজ শাহুৱেকক লগত লৈ পলায়ন কৰিছে৷ বিয়াৰ মাত্ৰ তিনি মাহৰ পিছতে জোঁৱায়েকে ৫ সন্তানৰ মাতৃ তথা ৪০ বছৰীয়া শাহুৱেকক লৈ পয়ালন কৰিছে৷
এই চাঞ্চল্যকৰ ঘটনাটো সংঘটিত হৈছে পঞ্জাৱৰ কাপুৰথলা জিলাৰ গুৰদাসপুৰ গাঁৱত৷ ঘটনাৰ বিৱৰণীৰ মতে মাত্ৰ তিনিমাহ পূৰ্বে যুৱকজনে মহিলাগৰাকীৰ কন্যাৰ সৈতে বিবাহপাশত আৱদ্ধ হৈছিল৷ কিছুদিন পূৰ্বে যুৱকজনে শাহুৱেকৰ ঘৰলৈ আহিছিল আৰু তেতিয়াই শাহুৱেকক লগত লৈ পলায়ন কৰে৷
লগতে পঢ়ক কণীৰ কুহুমে শৰীৰৰ কলেষ্টেৰলৰ মাত্ৰা সঁচাই বৃদ্ধি কৰে নে?
ইফালে গুৰদাসপুৰ পুৰাণশলা আৰক্ষী থানাত যুৱকজনৰ জ্যেষ্ঠ ভাতৃ আৰু কন্যাগৰাকীৰ পিতৃয়ে পলাতক জোঁৱায়েক আৰু শাহুৱেকৰ বিৰুদ্ধে এজাহাৰ দাখিল কৰিছে৷
নৱবিবাহিত যুৱতীগৰাকীৰ ভাতৃয়ে আৰক্ষীক জনোৱা মতে, পলাতক যুৱকজনে শাহুৱেকক লগত লৈ বিদেশলৈ যাবলৈ চেষ্টা কৰিছে। ইয়াৰ বাবেই তেওঁ শাহুৱেকৰ লগত বহুবাৰ বাহিৰলৈ ওলাই গৈছিল আৰু তেনেকৈয়ে শাহু আৰু জোঁৱাইৰ মাজত প্ৰেমৰ সম্পৰ্ক তীব্ৰতৰ হৈ পৰে।
লগতে পঢ়ক এটা সৰু ভুলৰ বাবে বৰ্খাস্ত শিক্ষয়িত্ৰীক, কি ভুলৰ পৰিণাম ভুগিলে ছাৰাই?
ভাতৃগৰাকীয়ে লগতে আৰু কয় যে পাঁচ দিন পূৰ্বে যুৱকজনে শহুৰেকৰ ঘৰলৈ আহি পাছপ’ৰ্ট বনাই দিয়াৰ অজুহাতত শাহুৱেকক লগত পলায়ন কৰিছে। ইফালে দুয়োটা পৰিয়ালে সকলো আত্মীয়-স্বজন আৰু অন্যান্য সম্ভাৱ্য স্থান বিচাৰি ফুৰাৰ পিছতো দুয়োৰে কোনো সন্ধান লাভ কৰা নাই।
প্ৰকাশিত বাতৰিৰ মতে ৪০ বছৰীয়া মহিলাগৰাকীৰ ৫ টা সন্তানৰ মাতৃ। পুৰাণশলা আৰক্ষী থানাৰ ভাৰপ্ৰাপ্ত বিষয়া হৰমিন্দৰ সিঙে এই অভিযোগ নিশ্চিত কৰি উক্ত বিষয়টো তেওঁৰ দৃষ্টিগোচৰ হোৱা বুলি কয়। আৰক্ষীয়ে পলাতক শাহু আৰু জোঁৱায়েকৰ সন্ধানত অভিযান অব্যাহত ৰখা বুলি সদৰী কৰি অতি শীঘ্ৰেই দুয়োটাকে কৰায়ত্ত কৰিব বুলিও প্ৰকাশ কৰিছে৷
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
