আধুনিক চিকিৎসা বিজ্ঞানৰ অগ্ৰগতিৰ ফলত আজিৰ দিনত এজন ৰোগীক তে*জ দিয়াটো এক সাধাৰণ চিকিৎসা পদ্ধতি হৈ পৰিছে। কিন্তু আপুনি জানেনে, পৃথিৱীত প্ৰথমবাৰৰ বাবে তে*জ সঞ্চালন (Blood Transfusion) কেনেদৰে কৰা হৈছিল? এই ঘটনাৰ ইতিহাস যথেষ্ট আচৰিত আৰু ৰোমাঞ্চকৰ। আচৰিত কথাটো হৈছে, প্ৰথম সফল ব্লা*ড ট্ৰান্সফিউজনত এজন মানুহক আন এজন মানুহৰ তে*জ নহয়, বৰঞ্চ এটা ভেড়াৰ তে*জ দিয়া হৈছিল। এই সাহসিকতাপূৰ্ণ চিকিৎসা পৰীক্ষাই পিছলৈ আধুনিক চিকিৎসাত ৰক্তাদান পদ্ধতিৰ পথ মুকলি কৰি দিয়ে।
১৫ বছৰীয়া কিশোৰৰ ওপৰত কৰা হৈছিল পৰীক্ষা
১৬৬৭ চনৰ ১৫ জুন। ফ্ৰান্সৰ চিকিৎসক জাঁ-বেপ্টিষ্ট ডেনিছ (Jean-Baptiste Denis)-এ এক অভূতপূৰ্ব চিকিৎসা পৰীক্ষা সম্পন্ন কৰে। সেই সময়ত মাত্ৰ ১৫ বছৰ বয়সীয়া এজন কিশোৰ তীব্ৰ জ্বৰত ভুগি আছিল আৰু তেওঁৰ অৱস্থা যথেষ্ট সংকটজনক হৈ পৰিছিল। কিশোৰজনৰ জীৱন ৰক্ষা কৰাৰ উদ্দেশ্যে ডাঃ ডেনিছে এক অত্যন্ত বিপদসংকুল সিদ্ধান্ত গ্ৰহণ কৰে। তেওঁ কিশোৰজনৰ শৰীৰত ভেড়াৰ তে*জ সঞ্চালন কৰে। সেই যুগত তে*জ, তে*ৰ গ্ৰুপ বা ৰক্তদান সম্পৰ্কে বৈজ্ঞানিক জ্ঞান অতি সীমিত আছিল। সেয়েহে এই পদক্ষেপক চিকিৎসা জগতত এক সাহসিক পৰীক্ষা হিচাপে গণ্য কৰা হৈছিল।
ভেড়াৰ তে*জে ৰক্ষা কৰিছিল কিশোৰজনৰ জীৱন
সকলোকে আচৰিত কৰি সেই পৰীক্ষা সফল হয়। ভেড়াৰ তে*জ দিয়াৰ পিছত কিশোৰজনৰ স্বাস্থ্যৰ যথেষ্ট উন্নতি দেখা যায়। কেৱল যে তেওঁ বাচি যায় সেয়াই নহয়, তেওঁৰ শাৰীৰিক অৱস্থাও ধীৰে ধীৰে সুস্থ হ’বলৈ আৰম্ভ কৰে। এই সফলতাই ডাঃ ডেনিছক অধিক উৎসাহিত কৰে। ফলত তেওঁ আন কেইবাজনো ৰোগীৰ ওপৰতো একেই পদ্ধতি প্ৰয়োগ কৰিবলৈ আৰম্ভ কৰে। কিন্তু প্ৰতিবাৰ ভাগ্য সহায়ক নহ’ল। কিছুমান ক্ষেত্ৰত ফলাফল অত্যন্ত নেতিবাচক হয় আৰু কেইবাজনো ৰোগীৰ মৃ*ত্যু ঘটে।
চিকিৎসকৰ বিৰুদ্ধে চলিছিল হ*ত্যাৰ গোচৰ
এজন ৰোগীৰ মৃ*ত্যুৰ পিছত পৰিস্থিতি জটিল হৈ পৰে। ডাঃ ডেনিছৰ বিৰুদ্ধে হ*ত্যাৰ অভিযোগ উত্থাপন কৰা হয় আৰু আদালতত গোচৰ চলোৱা হয়। যদিও পিছত তদন্ত আৰু শুনানিৰ অন্তত আদালতে তেওঁক হ*ত্যাৰ অভিযোগৰ পৰা মুক্তি দিয়ে। তথাপিও এই বিতৰ্কৰ পিছত বহু বছৰ ধৰি ব্লাড ট্ৰান্সফিউজন সম্পৰ্কীয় গৱেষণা প্ৰায় বন্ধ হৈ থাকে।
আধুনিক ব্লা*ড ট্ৰান্সফিউজনৰ ভেটি স্থাপন
এই ঘটনাৰ প্ৰায় ২০০ বছৰৰ পিছত বিজ্ঞানীসকলে পুনৰ তে*জ সঞ্চালন সম্পৰ্কে গৱেষণা আৰম্ভ কৰে। অৱশেষত ১৯০০ চনত অষ্ট্ৰিয়াত বিশ্ববিখ্যাত ‘ব্লা*ড গ্ৰুপ ছিষ্টেম’ আৱিষ্কাৰ কৰে। তেওঁৰ এই যুগান্তকাৰী আৱিষ্কাৰে মানুহৰ ৰক্তগোট চিনাক্ত কৰাটো সম্ভৱ কৰি তোলে আৰু সুৰক্ষিতভাৱে এজনৰ পৰা আনজনলৈ তে*জ সঞ্চালনৰ পথ প্ৰশস্ত কৰে। এই আৱিষ্কাৰৰ ফলতেই আধুনিক ৰক্তাদান বিজ্ঞানৰ জন্ম হয় আৰু লাখ লাখ মানুহৰ জীৱন ৰক্ষা কৰাটো সম্ভৱ হৈ উঠে। আজিৰ উন্নত চিকিৎসা ব্যৱস্থাৰ আঁৰত আছে অসংখ্য বিজ্ঞানী আৰু চিকিৎসকৰ সাহসিকতা, অধ্যৱসায় আৰু গৱেষণা। ১৬৬৭ চনত ভেড়াৰ তে*জ ব্যৱহাৰ কৰি কৰা সেই বিতৰ্কিত পৰীক্ষাটো হয়তো নিখুঁত নাছিল, কিন্তু সেই ঘটনাই আধুনিক ব্লা*ড ট্ৰান্সফিউজন বিজ্ঞানৰ ভেটি স্থাপন কৰিছিল। চিকিৎসা বিজ্ঞানৰ ইতিহাসত এই ঘটনা আজিও এক অনন্য আৰু স্মৰণীয় অধ্যায় হিচাপে পৰিগণিত।
এই প্ৰতিবেদন যুগুতাইছে মানসজ্যোতিয়ে
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
