অৰুণাচল প্ৰদেশৰ পৰা অসমলৈ এগৰাকী কিশোৰীক পলুৱাই আনি বিবাহ পাশত আৱদ্ধ হোৱাক কেন্দ্ৰ কৰি উত্তপ্ত হৈ আছে উজনি অসমৰ শিৱসাগৰ জিলা৷
জিলাখনৰ ডিমৌ আৰক্ষী থানাৰ অন্তৰ্গত ভীমপোৱা মিছিং গাঁৱত এই ঘটনাক কেন্দ্ৰ কৰি আৰক্ষীৰ সৈতেও সংঘাতত লিপ্ত হৈছে একাংশ মহিলা৷
ঘটনাৰ বিৱৰণীৰ মতে, কিছু দিনৰ পূৰ্বে অৰুণাচল প্ৰদেশৰ এগৰাকী ১২ বছৰীয়া কিশোৰীক ডিমৌ আৰক্ষী থানাৰ অধীনৰ বৰগুৰি ভীমপোৱা গাঁৱৰ নীলকান্ত পাংগিং ওৰফে ৰুবুল নামৰ যুৱকজনে পলুৱাই আনে৷
লগতে পঢ়ক ব্ৰা ফিটিং টিপছ: ব্ৰা পিন্ধোতে নাৰীয়ে কি কি কথা মনত ৰখা উচিত!
ইয়াৰ পিছতে পাছতে কিশোৰী গৰাকীৰ পৰিয়ালে অৰুণাচল প্ৰদেশৰ মহাদেৱপুৰ আৰক্ষী থানাত অভিযুক্ত নীলকান্তৰ বিৰুদ্ধে এক অপহৰণৰ গোচৰ তৰে।
কিশোৰীগৰাকীৰ পৰিয়ালৰ লোকে শনিবাৰে ডিমৌ আৰক্ষীৰ এটা দলসহ নীলকান্ত পাংগিঙৰ বাসগৃহত উপস্থিত হৈ কিশোৰীগৰাকীক উদ্ধাৰ কৰি থানালৈ অনাৰ চেষ্টা কৰে৷ তেনে সময়তে গাওঁখনৰ একাংশ মহিলাই উগ্ৰমূৰ্তি ধাৰণ কৰি উদ্ধাৰকাৰী মহিলা আৰক্ষীক চুলিত ধৰি টনা আজুৰা কৰাৰ উপৰি ডিমৌ আৰক্ষী থানাৰ এছ আই পূৰৱী নৰহক শৰীৰৰ কেইবা ঠাইতো কামুৰি গুৰুতৰভাৱে আঘাতপ্ৰাপ্ত কৰে।
আনহাতে, পৰিস্থিতি উত্তপ্ত হৈ পৰাত আৰক্ষীৰ দলটোৱে নীলকান্ত পাংগিঙৰ বাসগৃহৰ পৰা খালি হাতে উভতিবলৈ বাধ্য হয়।
লগতে পঢ়ক আকৌ দেশত মন্দিৰ-মছজিদৰ সংঘাত! জ্ঞানবাপী মছজিদ-মন্দিৰৰ বিতৰ্কৰ ভিত্তি কি?
উল্লেখ্য যে, অৰুণাচলৰ মহাদেৱপুৰ চিলাথু গাঁৱৰ এইগৰাকী সপ্তম শ্ৰেণীত অধ্যয়নৰত কিশোৰী এতিয়াও ডিমৌৰ বৰগুৰি ভীমপোৱা গাঁৱতে আবদ্ধ হৈ আছে।
ইফালে কিশোৰীগৰাকীৰ পৰিয়ালে নিতাইপুখুৰী আৰক্ষী চকীত দাখিল কৰা এজাহাৰত উল্লেখ কৰা মতে কিশোৰীগৰাকীয়ে দুই সতীৰ্থাৰ সৈতে টিউচনলৈ ওলাই অহাৰ সময়তে যুৱকজনে বলপূৰ্বকভাৱে অপহৰণ কৰি লৈ আহে৷
আনহাতে যুৱকজনৰ পৰিয়ালৰ মতে কিশোৰীগৰাকীৰ যুৱকজনৰ সৈতে প্ৰেমৰ সম্পৰ্ক আছিল আৰু তেওঁ স্বচ্ছাৰে যুৱকজনৰ সৈতে পলাই আহি বিবাহপাশত আৱদ্ধ হৈছে৷
জানিব পৰা মতে আৰক্ষীয়ে অভিযান চলোৱাৰ উমান পাই অভিযুক্ত নীলকান্তই ঘৰৰ পৰা পলায়ন কৰে৷
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
