মৰিয়নী সমষ্টিত আকৌ এবাৰ বিজয়ৰ হাঁহি মাৰিলে বিজেপি প্ৰাৰ্থী ৰূপজ্যোতি কূৰ্মীয়ে৷ মৰিয়নী সমষ্টিত ৰূপজ্যোতি কূৰ্মীৰ বিৰুদ্ধে প্ৰাৰ্থীত্ব আগবঢ়াইছিল ৰাইজৰ দলৰ প্ৰাৰ্থী জ্ঞানশ্ৰী বৰাই৷ কিন্তু ৰূপজ্যোতিৰ যাদুৰ ওচৰত পৰাজয়বৰণ কৰিলে জ্ঞানশ্ৰী বৰাই৷ বিজয়ৰ পাছতেই মুখ খুলিছে ৰূপজ্যোতি কূৰ্মীয়ে৷ ৰূপজ্যোতি কূৰ্মীয়ে কয়-
দুষ্টক দমন, শান্তক পালন কৰিবলৈ আকৌ আহিল ৰূপজ্যোতি কূৰ্মী৷ শান্তক পালন কৰিবলৈ মই আহিছো৷ এইবাৰ মই একো যুদ্ধ কৰাই নাই৷ মৰিয়নী সমষ্টিত ৰূপজ্যোতি কূৰ্মী থকালৈকে বেলেগৰ দমন নচলিব৷ ২৯ চনত বিৰোধীক কেনেকৈ খতম কৰি দিম দেখিব৷ কোনোৱে উঠিবলৈ সাহসেই নকৰিব ইয়াত৷ ফেছবুকত ৰাজনীতি কৰি মোৰ লগত যুঁজিব চেষ্টা কৰি লাভ নাই৷ ফেছবুকতহে মোৰ লগত জিকিব৷ ২৯ত আকৌ মই উঠিম৷ মোৰ সহধৰ্মীনীও অৱশ্যে হ’ব পাৰে৷ মৰিয়নীৰ মাটিত বোকা ফেনেকি, মৰিয়নীৰ মন্দিৰত ঝাড়ু মাৰি, নামঘৰত প্ৰসাদ বিলাই ৰূপজ্যোতি ডাঙৰ হৈছে৷ গতিকে মোৰ লগত লাগি লাভ নাই৷ মোক আগতেও একো কৰিব পৰা নাই ভৱিষ্যতেই নোৱাৰে৷ ৰূপজ্যোতিয়ে ভৱিষ্যতেও থাকিব, আৰু যাক ৰূপজ্যোতিয়ে জিকাব খোজে তেওঁৱেই জিকিব৷ মাননীয় মুখ্যমন্ত্ৰী হিমন্ত বিশ্ব শৰ্মা আৰু মৰিয়নী সমষ্টি ৰাইজৰ ওচৰত মূৰ দোৱাই কৃতজ্ঞতা জ্ঞাপন কৰিছো৷’
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
