অসম লাইভ ২৪ঃ ভাৰতত ক’ৰোনাৰ তৃতীয় ঢৌৰ সংক্ৰমণৰ আশংকা। অনাগত ৬-৮ সপ্তাহৰ ভিতৰত পুনৰ ক’ৰোনাই ভয়াৱহ ৰূপ ধাৰণ কৰিব পাৰে ভাৰতত। এই সন্দৰ্ভত সতৰ্কবাণী কৰিছে এইমচৰ মুৰব্বী ডাঃ ৰণদ্বীপ গুলেৰিয়াই। ভৰতৰ বহুসংখ্যক লোক বৰ্তমানেও ক’ৰোনাক লৈ সজাগ নহয়। কোভিড প্ৰট’ক’ল অমান্য কৰি ৰাজহুৱা স্থানত বৰ্তমানেও ভিৰ কৰে একাংশই। যদি পৰিস্থিতি এনেকৈয়ে থাকে তেন্তে অতি কম সময়ৰ ভিতৰত পুনৰ ভয়াৱহ হ’ব পাৰে দেশৰ পৰিস্থিতি। শেহতীয়াকৈ দেশৰ বিভিন্ন স্থানত আনলক প্ৰক্ৰিয়া আৰম্ভ হৈছে। অসমতো আৰম্ভ কৰা হৈছে আনলক প্ৰক্ৰিয়া। কিন্তু ভাৰতৰ জনসাধাৰণৰ অমনোযোগিতা তথা সজাগ নোহোৱাৰ বাবেই পুনৰ পূৰ্বৰ দৰে ভয়াৱহ পৰিস্থিতিৰ আশংকা প্ৰকাশ কৰিছে চিকিৎসকগৰাকীয়ে। এইমচৰ মুৰব্বী ডাঃ ৰণদ্বীপ গুলেৰিয়াই ক’ৰোনাৰ নতুন ডেল্টা প্লাচ ভেৰিয়েণ্টৰ কথা উল্লেখ কৰিছে। শনিবাৰে এই সতৰ্কবাণী কৰে ডাঃ গুলেৰিয়াই।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
