এই মুহূৰ্তত সমগ্ৰ দেশৰ মুঠ ১৫১ জন জনপ্ৰতিনিধিৰ বিৰুদ্ধে নাৰী নিৰ্যাতনৰ গোচৰ আছে৷ ৰাজ্যভিত্তিক জনপ্ৰতিনিধিসকলৰ তালিকাৰ শীৰ্ষত পশ্চিমবংগ আৰু দলগত হিচাপে শীৰ্ষত বিজেপি৷ এই তথ্য জনা গৈছে যে ADR ৰ ৰিপৰ্টৰ পৰা৷
সম্প্ৰতি দেশৰ বিধায়ক আৰু সাংসদসকলৰ বিৰুদ্ধে থকা নাৰী নিৰ্যাতনৰ গোচৰক লৈ এক ৰিপৰ্ট পেছ কৰিছে ADRয়ে৷ ২০১৯-২০২৪ চন পৰ্যন্ত নিৰ্বাচন কমিছনৰ হাতত জমা হোৱা প্ৰাৰ্থীৰ হলফনামাৰ পৰাই এই তথ্য লাভ কৰিছে ADRয়ে৷ সেই হলফনামাৰ ভিত্তিত এই ৰিপৰ্ট পেছ কৰিছে ADRয়ে৷
বৰ্তমান দেশত ১৩৫ জন জয়ী বিধায়ক আৰু ১৬ জন জয়ী সাংসদৰ বিৰুদ্ধে আছে নাৰী নিৰ্যাতনৰ অভিযোগ আছে৷ দলগত পৰিসংখ্যান অনুযায়ী সমগ্ৰ দেশত সকলোতকৈ বেছি অভিযোগ আছে বিজেপি সাংসদ আৰু বিধায়কসকলৰ বিৰুদ্ধে৷ ৪৪ জয় জয়ী বিজেপি বিধায়ক আৰু ১০ জন জয়ী বিজেপি সাংসদ মিলি মুঠ ৫৪ জনৰ বিৰুদ্ধে নাৰী নিৰ্যাতনৰ অভিযোগ আছে৷ কংগ্ৰেছৰ ২৩ জন জনপ্ৰতিনিধিৰ বিৰুদ্ধে নাৰী নিৰ্যাতনৰ অভিযোগ আছে৷ টিডিপিৰ ১৭ জন বিধায়কৰ বিৰুদ্ধে এই অভিযোগ আছে৷
আপৰ ১৩ জন বিধায়কে নিজৰ বিৰুদ্ধে থকা নাৰী নিৰ্যাতনৰ অভিযোগৰ কথা জনাইছিল৷ তৃণমূল কংগ্ৰেছৰ ১০ জন বিধায়কৰ বিৰুদ্ধে এই একেই অভিযোগ আছে৷ ৫জন নিৰ্দলীয় বিধায়ক আৰু ১জন নিৰ্দলীয় সাংসদৰ বিৰুদ্ধেও নাৰী নিৰ্যাতনৰ গোচৰ আছে৷ আৰ জে ডিৰ ৪ জন বিধায়ক আৰু ১ জন সাংসদ এই একেই গোচৰত অভিযুক্ত৷ চিপিআইএমৰ এজন জয়ী বিধায়কৰ বিৰুদ্ধে আছে নাৰী নিৰ্যাতনৰ অভিযোগ৷
ৰাজ্যভিত্তিক সমস্ত দলৰ জনপ্ৰতিনিধিৰ বিৰুদ্ধে নাৰী নিৰ্যাতনৰ অভিযোগৰ শীৰ্ষত পশ্চিমবংগ৷ পশ্চিমবংগৰ ২৫ জন জনপ্ৰতিনিধিৰ বিৰুদ্ধে নাৰী নিৰ্যাতনৰ অভিযোগ আছে৷ দ্বিতীয় স্থানত আছে অন্ধ্ৰপ্ৰদেশ৷ অন্ধ্ৰপ্ৰদেশৰ ২১ জন জনপ্ৰতিনিধিৰ বিৰুদ্ধে নাৰী নিৰ্যাতনৰ গোচৰ আছে৷ ওড়িশাৰ ১৭জন, দিল্লীৰ ১৩ জন, মহাৰাষ্ট্ৰৰ ১৩ জন, বিহাৰৰ ৯ জন, কৰ্ণাটকৰ ৭জন, ৰাজস্থানৰ ৫জন, মধ্যপ্ৰদেশ, কেৰালা আৰু তেলেঙ্গানাৰ ৫জনকৈ, গুজৰাট, তামিলনাডু আৰু উত্তৰপ্ৰদেশৰ ৪ জন জনপ্ৰতিনিধিৰ বিৰুদ্ধে আছে নাৰী নিৰ্যাতনৰ গোচৰ৷
১৫১ জন জনপ্ৰতিনিধিৰ মাজত ১৪ জন বিধায়ক আৰু ২ সাংসদৰ বিৰুদ্ধে ধৰ্ষণৰ গোচৰ আছে৷ মধ্যপ্ৰদেশৰ২ জন বিধায়ক, পশ্চিমবংগৰ ১জন বিধায়ক আৰু ১জন সাংসদ, অন্ধ্ৰপ্ৰদেশ, অসম, দিল্লী, গোৱা, গুজৰাট, ঝাৰখণ্ড, কৰ্ণাটক, কেৰালা, মহাৰাষ্ট্ৰ, ওড়িশা আৰু তামিলনাডুৰ ১জন বিধায়কৰ বিৰুদ্ধে আছে ধৰ্ষণৰ গোচৰ৷ তেলেংগানাৰ এজন সাংসদৰ বিৰুদ্ধেও ধৰ্ষণৰ গোচৰ আছে৷ বিজেপিৰ ৩ জন বিধায়ক আৰু ২জন সাংসদ, কংগ্ৰেছৰ ৫জন বিধায়ক আৰু আপ, তৃণমূল, AIUDF, ভাৰত আদিবাসী পাৰ্টী, বিজেপি আৰু টিডিপিৰ ১জন কৈ বিধায়কৰ বিৰুদ্ধে ধৰ্ষণৰ গোচৰ আছে৷
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
