পুৱাই মুম্বাইত অঘটন, ২৪ টা পৰিয়াল শুই থকা তিনিমহলীয়া অট্টালিকা হঠাতে খহি পৰে
আজি ২৭ জুলাই তাৰিখে পুৱাই মুম্বাইত তীব্ৰ বৰষুণৰ মাজতে এক ভয়ংকৰ দুৰ্ঘটনা সংঘটিত হয়। নৱী মুম্বাইত অৱস্থিত এটা তিনিমহলীয়া অট্টালিকা হঠাতে খহি পৰে। এই ভৱনটোত মুঠ ২৪টা পৰিয়ালে বাস কৰিছিল।
পুৱা প্ৰায় ৫ মান বজাত শুই থকা অৱস্থাতে খহি পৰে অট্টালিকাটো। ধ্বংসাৱশেষৰ তলত আৱদ্ধ হৈ পৰে বহু লোক। ঘটনাৰ খবৰ পোৱাৰ লগে লগে ঘটনাস্থলীত উপস্থিত আৰক্ষী, অগ্নিনিৰ্বাপক বাহিনী আৰু এন ডি আৰ এফৰ দল।
লগে লগে আৰম্ভ কৰে উদ্ধাৰ অভিযান। বৰ্তমানলৈ কেৱল ২ জন লোকক ধ্বংসাৱশেষৰ মাজৰ পৰা সুকলমে উদ্ধাৰ কৰিবলৈ সক্ষম হৈছে উদ্ধাৰকাৰী দলে। আনহাতে ৫২ গৰাকী লোকে নিজেই ওলাই আহিবলৈ সক্ষম হয়। এতিয়াও কিছু লোক আৱদ্ধ হৈ থকাৰ সম্ভাৱনা, অব্যাহত আছে উদ্ধাৰ অভিযান।
এই দুৰ্ঘটনা সংঘটিত হৈছে নৱী মুম্বাইৰ শ্বাহবাজ অঞ্চলত। অঞ্চলটোত উপস্থিত থকা গ্ৰাউণ্ড প্লাছ নামৰ এটা অট্টালিকা হঠাতে ভাঙি যায়। ঘটনা সন্দৰ্ভত তথ্য লাভ কৰাৰ লগে লগে আৰক্ষী, অগ্নিনিৰ্বাপক বাহিনী আৰু এন ডি আৰ এফৰ দল উপস্থিত হয়। পৌৰসভাৰ বিষয়াসকলো সেই স্থানত উপস্থিত থাকে। এই দুৰ্ঘটনাৰ পিছত সমগ্ৰ অঞ্চলটোত হাহাকাৰ পৰিস্থিতিৰ সৃষ্টি হৈছে।
ঘটনা সন্দৰ্ভত জানিব পৰা অনুসৰি, অট্টালিকাটো কেৱল মাত্ৰ ১০ বছৰ পুৰণি আছিল। কিন্তু ইয়াৰ আন্তঃগাঠনি ভাল নাছিল। তাতে আৰু বাৰিষাৰ বাবে বিগত কেইবাদিনো ধৰি মুম্বাইত ধাৰাসাৰ বৰষুণ দি আছে। বৰষুণৰ বাবে ৰাস্তা-ঘাট পানীৰে ভৰি পৰিছে।
ইফালে পুৱা ৫ বজাত অট্টালিকাটো ভাঙি পৰাৰ খবৰ ওলাল। চৰকাৰী তথ্য অনুসৰি, প্ৰায় ৫২ জন লোকক নিৰাপদে উদ্ধাৰ কৰা হৈছে ধ্বংসাৱশেষৰ পৰা। এতিয়ালৈকে কোনো লোকৰ মৃত্যু হোৱা নাই।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
