শোকাৱহ, বাইক আৰোহীক বচাবলৈ হৈ দুৰ্ঘটনাত স্কুলীয়া বাছ, ৪ শিশু থিতাতে নিহত
বিদ্যালয়ৰ পৰা শিক্ষামূলক ভ্ৰমণলৈ বুলি যোৱা এখন স্কুলীয়া বাছত সংঘটিত হৈছে এক অতিকে শোকাৱহ ঘটনা। এজন বাইক আৰোহীক বচাবলৈ গৈ নিজেই দুৰ্ঘটনাত পৰে স্কুলীয়া বাছখন। যাৰ ফলত থিতাতে মৃত্যু হয় ৪ টা কৈ শিশুৰ লগতে বহু কেইটি শিশু আহত।
লক্ষ্ণৌত সংঘটিত হৈছে এই ঘটনা। এখন চৰকাৰী বিদ্যালয়ৰ পৰা চিৰিয়াখানালৈ বুলি ফুৰিবলৈ গৈছিল ছাত্ৰ-ছাত্ৰীৰ দল। চিৰিয়াখানা চাই উভতি আহোতেই দেৱা কোতৱালী নামৰ ঠাইত দুৰ্ঘটনাত পতিত বাছখন।
বাইক আৰোহীক বচাই তীব্ৰবেগী বাছখন পথৰ কাষত বাগৰি পৰে। এই পৰ্যন্ত দুৰ্ঘটনাটোত চাৰিটা শিশুৰ মৃত্যু হোৱাৰ বিপৰীতে দুই ডজন শিশু আহত হৈছে বুলি জানিব পৰা গৈছে।
খবৰ লাভৰ লগে লগে ঘটনাস্থলীত কেইবাখনো থানাৰ আৰক্ষী বাহিনী আৰু শিক্ষা বিভাগৰ বিষয়াসকল আহি উপস্থিত হয়। ততাতৈয়াকৈ আহত শিশুসকলক এম্বুলেন্সেৰে চিকিৎসালয়লৈ প্ৰেৰণ কৰা হৈছে।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
