দেশৰ সৈন্য বাহিনীৰ সৈতে যুদ্ধক্ষেত্ৰত নামি ইউক্ৰেইনৰ ৰাষ্ট্ৰপতি ভ’ল’দিমিৰ জেলেনস্কিয়ে সমগ্ৰ বিশ্বতে নৱোত্থিত নায়কৰ মৰ্যাদা লাভ কৰিছে৷ সমগ্ৰ বিশ্বতে জেলেনস্কিৰ নেতৃত্ব, দেশৰ প্ৰতি দায়িত্ববোধ আৰু দেশপ্ৰেমে চৰ্চা লাভ কৰিছে৷
জীৱনৰ মধ্য বয়সতে নিজৰ লগতে দেশৰো সংকটৰ সন্মুখীন হোৱা এই ভ’ল’দিমিৰ জেলেনস্কি এটা সময়ত এগৰাকী অভিনেতা, কৌতুক অভিনেতা আৰু নৃত্যশিল্পী আছিল৷ কেবাখনো ছবিত অভিনয় কৰা জেলেনস্কিৰ নিজা প্ৰযোজনা সংস্থাও আছিল৷
ৰাছিয়াৰ বিৰুদ্ধে নিজ সৈন্য বাহিনীক সন্মুখৰ পৰা নেতৃত্ব প্ৰদান কৰি বিশ্বজুৰি চৰ্চা লাভ কৰা জেলেনস্কিৰ অভিনয় আৰু টেলিভিশ্যনৰ ৰিয়েলিটি শ্ব’ৰ ভিডিঅ’বোৰ এতিয়া ভাইৰেল হৈছে৷ য’ত এতিয়াৰ ৰাষ্ট্ৰপতিগৰাকীৰ কলা নৈপূণ্য প্ৰতিভাত হৈছে৷
so apparently Zelenskyy won the Ukrainian version of Dancing with the Stars in 2006 and the tape is even better than whatever you’re imagining pic.twitter.com/L1gnKD2ISr
— Kat Abu (@abughazalehkat) February 27, 2022
সংবাদ মাধ্যমত প্ৰকাশিত বাতৰি অনুসৰি ২০০৬ চনত ভ’ল’দিমিৰ জেলেনস্কিয়েই ইউক্ৰেইনৰ এক ৰাষ্ট্ৰীয় টেলিভিশ্যন ৰিয়েলিটি শ্ব’ৰ চেম্পিয়নো আছিল৷ উক্ত ৰিয়েটি শ্ব’টোত জেলেনস্কিয়ে পাৰ্ফম কৰা ভিডিঅ’ও এতিয়া ভাইৰেল হৈ পৰিছে৷
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ