সংস্থাপনহীনতাৰ ভয়ংকৰ পৰিণতি৷ দেশত বৃদ্ধি পাইছে অপৰাধ প্ৰৱণতাৰ ঘটনা৷ ৰাজ্যসভাত কেন্দ্ৰীয় গৃহ মন্ত্ৰালয়ৰ এক প্ৰতিবেদনে চকু কপালত তুলিছে সাধাৰণ জনতাৰ৷ বিগত তিনি বছৰত সংস্থাপনহীনতাৰ বাবে ৯,১৪০ গৰাকী লোকে আত্মহত্যা কৰিবলৈ বাধ্য হৈছে ভাৰতত৷ গৃহ মন্ত্ৰালয়ৰ প্ৰতিবেদনত প্ৰকাশ পাইছে এই ভয়ংকৰ তথ্য৷ ঝণৰ বোজা সহিব নোৱাৰি আত্মহত্যা কৰিছে ১৬, ০৯১ জন লোকে৷ চৰকাৰে প্ৰকাশ কৰা এই তথ্যত ২০২০ চনৰ মাৰ্চৰ ক’ৰোনাৰ প্ৰথম লকডাউনৰ সময়ছোৱাৰ তথ্যহো সন্নিবিষ্ট কৰা হৈছে৷ উল্লেখ্য, লকডাউনৰ সময়ছোৱাত সংস্থাপনহীনতাৰ বাবে দেশৰ স্থিতিত বেয়াকৈ প্ৰভাৱ পৰে৷ ইফালে নিৱনুৱাৰ সমান্তৰালকৈ দেশত অন্নদাতাৰ আত্নহত্যাৰ খবৰে ব্যথিত কৰিছে দেশবাসীক৷ ২০১৮, ২০১৯ আৰু ২০২০ চনত ক্ৰমে ৫৭৬৩, ৫৯৫৭ আৰু ৫৫৭৯ গৰাকী দেশৰ কৃষকে আত্মহত্যা কৰে৷
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
