অসম লাইভ ২৪ঃ ৰাজ্যত উন্নত হৈছে কোভিড পৰিস্থিতি। ইয়াৰ পৰিপ্ৰেক্ষিতত ৭ জুনৰ পৰা অসমত সামান্য আনলকৰ কথা চিন্তা কৰিছে ৰাজ্য চৰকাৰে। মুখ্যমন্ত্ৰী ড০ হিমন্ত বিশ্ব শৰ্মাই সংবাদমেলযোগে ঘোষণা কৰিছে এই কথা। অৱশ্যে সম্পূৰ্ণ আনলক প্ৰক্ৰিয়া ১৫ জুন পৰ্যন্ত সম্ভৱ নহ’ব বুলি জনায় মুখ্যমন্ত্ৰীয়ে। বৰ্ধিত কোভিড সংক্ৰমণৰ বাবে ৰাজ্যত এতিয়া দিনৰ ১২ বজাৰ পৰা সান্ধ্য আইন বলৱৎ হৈ আছে। ১১ বজাতে বন্ধ হয় দোকান-পোহাৰ। পৰিস্থিতি উন্নত হোৱালৈ চাই আনলক প্ৰক্ৰিয়াৰ অংশ হিচাপে সান্ধ্য আইন বলৱতৰ সময় ৭ জুনৰ পাছত পিছুৱাই দিব পাৰে বুলি ধাৰণা কৰা হৈছে। ৰাজ্যত শেহতীয়াকৈ কোভিড আক্ৰান্তৰ সংখ্যা ক্ৰমাগতভাৱে হ্ৰাস পাইছে আৰু পজিটিভিটি ৰেটো ৫ শতাংশৰ তললৈ আহিছে। আনলক আৰম্ভ কৰিব পৰা যাব বুলি মুখ্যমন্ত্ৰী ড০ হিমন্ত বিশ্ব শৰ্মাই কৰা ঘোষণাই সকাহ দিছে ৰাজ্যবাসীক।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
