১ এপ্ৰিলৰ পৰা নতুন নিয়ম! এইসমূহ মোবাইল নম্বৰত বন্ধ হ’ব বেংকিং আৰু UPI পৰিসেৱা, জানি থওক সবিশেষ

বেংক আৰু ইউ পি আই এপসমূহক ৩১ মাৰ্চৰ ভিতৰত নিষ্ক্ৰিয় মোবাইল নম্বৰ চিষ্টেমৰ পৰা আঁতৰাই দিয়াৰ নিৰ্দেশ দিছে৷ নেশ্ব্যনেল পেমেণ্টছ কৰ্পৰেছন অফ ইণ্ডিয়াই৷ ইয়াৰ কাৰণ মূলত ২ টা৷ নিষ্ক্ৰিয় বা পুনৰ্ব্যৱহৃত মোবাইল নম্বৰৰ কাৰণে লেনদেনত বহু সময়ত সমস্যা হয়৷ বহু সময়ত পুৰণি নম্বৰ নতুন গ্ৰাহকৰ হাতলৈ গুচি যোৱাৰ বাবে ভুল লেনদেন হয়৷ ইয়াৰ বাবেই বেংক আৰু ইউ পি আই পৰিসেৱা প্ৰদানকাৰী সংস্থাসমূহক পুৰণি, নিষ্ক্ৰিয় নম্বৰসমূহ আঁতৰ কৰাৰ নিৰ্দেশ দিয়া হৈছে৷

যদি কোনো মোবাইল নম্বৰত ৯০ দিন ধৰি ভয়েছ কল, এছ এম এছ বা ডাটা ব্যৱহাৰ নকৰে তেন্তে সেয়া নিষ্ক্ৰিয় হৈ পৰিব৷ তেতিয়া সেই নম্বৰ নতুন ব্যৱহাৰকাৰীক দি দিয়া হয়৷ এতিয়া যদি এই নম্বৰ কোনো গ্ৰাহকৰ বেংক বা অন্যান্য আৰ্থিক পৰিসেৱাৰ সৈতে যুক্ত থাকে তেন্তে বিভিন্ন ধৰণৰ সমস্যাই দেখা দিব পাৰে৷ পুৰণি মোবাইল নম্বৰ নিষ্ক্ৰিয় হৈ গলে দ্ৰুতভাৱে বেংকত গৈ নতুন নম্বৰ আপডেট কৰিব লাগিব৷ যাতে লেনদেন বা অন্যান্য পৰিসেৱাত কোনো সমস্যা নাহে৷

যিকোনো ইউ পি আই লেনদেনৰ বাবে মোবাইল নম্বৰ অত্যন্ত গুৰুত্বপূৰ্ণ৷ গ্ৰাহকৰ মোবাইল নম্বৰৰ কোনো সমস্যা থাকিলে লেনদেন নহব পাৰে৷ বহু গ্ৰাহকে তেওঁলোকৰ বেংক একাউণ্ট বা ইউপিআই এপত একাধিক নম্বৰ যুক্ত কৰক৷ যদি এই নম্বৰসমূহৰ আটাইবোৰেই দীৰ্ঘ সময় নিষ্ক্ৰিয় থাকে তেন্তে তাক চিষ্টেমৰ পৰা মছি পেলোৱা হব বুলিও জনাইছে নেশ্ব্যনেল পেমেণ্টছ কৰ্পৰেছন অফ ইণ্ডিয়াই৷

লেনদেন সংক্ৰান্তিয় সমস্যা দূৰ কৰিবলৈ এন পি চি আই বেংক আৰু ইউপিআই এপসমূহৰ বাবে কিছু নিয়ম বাধ্যতামূলক কৰিছে৷ প্ৰতি সপ্তাহত মুছি পেলোৱা নম্বৰসমূহৰ তালিকা আপডেট কৰিব লাগিব৷ ১ এপ্ৰিলৰ পৰা কোনো নিষ্ক্ৰিয় বা পুনৰ্ব্যৱহৃত নম্বৰ বেংকৰ চিষ্টেমৰ পৰা একেবাৰেই মছি দিয়া হব৷ যদি গ্ৰাহকে নিজৰ বেংক একাউণ্ট বা ইউপি আই আই ডি সক্ৰিয় ৰাখিব খোজে তেন্তে দ্ৰুতভাৱে নম্বৰ আপডেট বা মোবাইল ৰিচাৰ্জ কৰিব লাগিব৷