১৯৬৩ চনত বন্ধ হৈ যোৱা আলকাট্ৰাজ জে’ল আকৌ এবাৰ আৰম্ভ কৰাৰ নিৰ্দেশ দিছে ড’নাল্ড ট্ৰাম্পে৷ কেলিফৰ্নিয়াৰ ছান ফ্ৰান্সিছকো উপকূলৰ গোল্ডেন গেট ব্ৰিজ লাগোৱা সেই দ্বীপ কাৰাগাৰ আকৌ নতুনকৈ উদ্বোধন কৰাৰ কথা জনাইছে আনেৰিকাৰ প্ৰেছিডেণ্টে৷
ট্ৰাম্পে সোমাবাৰে তেওঁৰ সামাজিকমাধ্যম ট্ৰুথ ছচিয়েলত লিখিছে, বহুদিন ধৰি আমেৰিকা নিষ্ঠুৰ, হিংসাত্মক আৰু দাগী অপৰাধীৰ দ্বাৰা জৰ্জৰিত হৈ পৰিছে৷ আলকাট্ৰাজ আমেৰিকাৰ আইন শৃংখলা আৰু ন্যায়বিচাৰৰ প্ৰতীক হিচাপে কাম কৰিব৷ যদিও বিৰোধী ডেমোক্ৰেট শিবিৰে ট্ৰাম্পৰ এই সিদ্ধান্তক কোনো গুৰুত্বপূৰ্ণ পদক্ষেপ বুলি মানিব খোজা নাই৷
বিশ্বৰ সকলোতকৈ কুখ্যাত কাৰাগাৰ হিচাপে পৰিচিত আছিল আলকাট্ৰাজ৷ বন্ধ হৈ যোৱাৰ পাছত সেয়া জনপ্ৰিয় পৰ্যটনক্ষেত্ৰ হৈ উঠিছিল৷ প্ৰয়াত হলীউড তাৰকা চন কোনেৰিৰ জনপ্ৰিয় ছবি দ্যা ৰক নিৰ্মিত হৈছিল সেই জেলখানাক কেন্দ্ৰ কৰিব গঢ়ি উঠা কাহিনীৰ ভিত্তিত৷ ট্ৰাম্পে জনাইছে যে ভয়ংকৰ আৰু দাগী অপৰাধীসকলৰ বাবে কাৰাগাৰৰ আধুনিকীকৰণ আৰু সম্প্ৰসাৰণৰ দিহা কৰিছে ট্ৰাম্পে৷
উল্লেখ কৰা প্ৰয়োজন যে চান ফ্ৰান্সিছকো উপসাগৰৰ দ্বীপত অৱস্থিত আলকাট্ৰাজ কাৰাগাৰ নিৰ্মিত হৈছিল ১৯১২ চনত৷ ১৯৩৬ চনত জে’লখন আমেৰিকাৰ বিচাৰ বিভাগে নিয়ন্ত্ৰণ কৰিছিল৷ অপৰাধীৰ নামত অতিৰিক্ত ব্যয় হোৱাৰ কাৰণে ১৯৬৩ চনত বন্ধ কৰি দিয়া হৈছিল এই কাৰাগাৰ৷
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
