জুলাই মাহৰ শেষৰ পৰা ৰাশি পৰিবৰ্তনৰ পাছতেই আগষ্টৰ প্ৰথমতেই নক্ষত্ৰ সলনি কৰিব শুক্ৰই৷ জ্যোতিষ গণনা অনুসৰি ১১ আগষ্টত শুক্ৰই পূৰ্বাফাল্গুনী নক্ষত্ৰত প্ৰৱেশ কৰিব৷ এই নক্ষত্ৰৰ অধিপতি হৈছে শুক্ৰ৷ দৈতগুৰুৰ এই নক্ষত্ৰ পৰিবৰ্তনে কেইটামান ৰাশিৰ জাতকৰ ভাগ্য চমকি উঠিব৷ নক্ষত্ৰমণ্ডলৰ ২৭টাৰ ভিতৰত একাদশতম নক্ষত্ৰ হৈছে পূৰ্বাফাল্গুনী৷ এই নক্ষত্ৰক অত্যন্ত ভাগ্যবান বুলি কোৱা হয়? ইয়াৰ প্ৰভাৱত সমাজত মান-সন্মান বৃদ্ধি পায়৷ ইয়াৰোপৰি আত্মবিশ্বাসো বাঢ়ে৷ নেতৃত্ব লোৱাৰ ক্ষমতা বিকশিত হয় পূৰ্বাফাল্গুনী নক্ষত্ৰৰ প্ৰভাৱত৷ অন্যহাতে শুক্ৰ স্বয়ং সুখ, সৌভাগ্যৰ কাৰক গ্ৰহ৷ স্বনক্ষত্ৰত শুক্ৰৰ প্ৰৱেশৰ ফলত তিনি ৰাশিৰ জাতকৰ উন্নতি হ’ব৷ শুক্ৰৰ নক্ষত্ৰ গোচৰ কোন কোন ৰাশিৰ জাতকৰ বাবে শুভ? জানক সবিশেষ তথ্য৷
তুলা ৰাশি
পুৰ্বাফাল্গুনী নক্ষত্ৰত শুক্ৰৰ প্ৰৱেশে এই ৰাশিৰ জাতকৰ জীৱনত অনুকূল প্ৰভাৱ বিস্তাৰ কৰিব৷ নতুন চাকৰিৰ সন্ধান লাভ কৰিব এই ৰাশিৰ জাতকে৷ আপুনি কৰি থকা কামত সফলতা লাভ কৰিব৷ নতুন ব্যৱসায় আৰম্ভ কৰাৰ ইচ্ছা থাকিলে লাভ অৰ্জন কৰিব পাৰিব৷ ব্যৱসায়িক কাৰণত যাত্ৰা কৰিব পাৰে৷ আৰ্থিক পৰিস্থিতি উন্নত থাকিব৷ আপোনাৰ সমস্ত ইচ্ছাপূৰণ হ’ব এই সময়ত৷ জীৱনসংগীৰ সৈতে কোনো বিবাদ থাকিলে সেয়া সমাপ্ত হ’ব৷
ধনু ৰাশি
শুক্ৰৰ নক্ষত্ৰ গোচৰত ধনু ৰাশিৰ জাতকৰ শুই থকা ভাগ্য জাগি উঠিব৷ দীৰ্ঘদিন ধৰি হ’বলগীয়া কাম ৰৈ থাকিলে এই সময়তেই সম্পন্ন হ’ব৷ কেৰিয়াৰত কামৰ প্ৰশংসা লাভ কৰিব এই ৰাশিৰ জাতকে৷ উচ্চাধিকাৰীসকলে আপোনাৰ প্ৰতি প্ৰসন্ন হৈ পদোন্নতি পাব পাৰে৷ কোনো ডাঙৰ দায়িত্বও আপুনি লাভ কৰিব৷ ব্যৱসায়ত প্ৰচুৰ লাভ অৰ্জন কৰিব পাৰে৷ কোনো বৃহৎ প্ৰকল্প বা ডিল চূড়ান্ত কৰিব পাৰে৷ আৰ্থিক পৰিস্থিতি ভালে থাকিব৷ আয়ৰ নতুন উৎস পাব৷ প্ৰেম জীৱনৰ বাবে সময় ভাল৷
মীন ৰাশি
এই ৰাশিৰ জাতকে প্ৰচুৰ লাভ অৰ্জন কৰিব৷ সমাজত মান-সন্মানো বাঢ়িব৷ ভৱিষ্যতৰ প্ৰতি অধিক মনোনিৱেশ কৰিব এই ৰাশিৰ জাতকে৷ সঠিক সিদ্ধান্ত গ্ৰহণ কৰিব পাৰে৷ আত্মবিশ্বাস বাঢ়িব, ফলত একাধিক কামত সাফল্য অৰ্জন কৰিব পাৰে এই ৰাশিৰ জাতকে৷ ব্যৱসায়ত লাভ হ’ব৷ প্ৰতিযোগীসকলে কাঢ়া টক্কৰ দিব৷ আৰ্থিক পৰিস্থিতি মজবুত হ’ব৷ ইয়াৰোপৰি অৰ্থ সঞ্চয়ত সফল হ’ব৷ সুখ লাভ সম্ভৱ৷ প্ৰেম জীৱনৰ বাবে এই সময় ভাল৷ সংগীৰ সৈতে কৰোবাত ফুৰিবলৈ যোৱাৰ পৰিকল্পনা কৰিব পাৰে৷ স্বাস্থ্য ভালে থাকিব৷
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
