এটা সময়ত কোটি টকাৰ মালিক আজি এটকাৰ বাবে হাহাকাৰ, মাহিলী উপাৰ্জন মাথো…
ক্ৰিকেটৰ ভগৱান শচীনৰ বন্ধু তথা ভাৰতীয় দলৰ প্ৰাক্তন ক্ৰিকেটাৰ বিনোদ কাম্বলিয়ে এসময়ত নিজৰ খেলৰ ভিত্তিত ক্ৰিকেট জগতত ভাল নাম অৰ্জন কৰিছিল। সেই সময়ত তেওঁৰ খ্যাতিৰ অভাৱ নাছিল, ধন-সম্পত্তিৰো নাছিল কোনো অভাৱ।
প্ৰথম সাতখন টেষ্টত তেওঁ দুটা ডাবল শতক অৰ্জন কৰিছিল, য’ত তেওঁৰ গড় আছিল ১০০ৰ ওপৰত। এই সাতখন মেচত তেওঁ ৭৯৩ ৰান সংগ্ৰহ কৰিছিল আৰু এই সময়ছোৱাত তেওঁ আনকি গড়ৰ ক্ষেত্ৰত মহান ডন ব্ৰেডমেনকো অতিক্ৰম কৰিছিল। মাথো কিছুদিনৰ ভিতৰতে সফলতাই গগণ চুম্বে। কিন্তু ইয়াৰ পিছতে সম্পূৰ্ণ ওলোটা হৈ পৰে কাম্বলিৰ জীৱন।
কোৱা হয় যে এসময়ত কম্বলীৰ সম্পত্তিৰ পৰিমাণ আছিল প্ৰায় ২০ কোটি টকা, কিন্তু বৰ্তমান সময়ত এটা এটা টকাৰ বাবে হাহাকাৰ। এনে পৰিস্থিতি হৈ পৰিছে যে, এই মহান বেটছমেনজন বৰ্তমানে টকাৰ বাবে সম্পূৰ্ণ অন্যৰ ওপৰত নিৰ্ভৰশীল। স্বাস্থ্যও বৰ্তমানে একেবাৰে বেয়া। চিকিৎসাৰ বাবেও তেওঁৰ হাতত পৰ্যাপ্ত ধন নাই।
বৰ্তমান কাম্বলীৰ উপাৰ্জনৰ একমাত্ৰ উৎস হৈছে বিচিচিআইৰ পৰা পোৱা মাহিলী পেঞ্চন, য’ত তেওঁ ব’ৰ্ডৰ পৰা প্ৰতিমাহে ত্ৰিশ হাজাৰ টকা পায়। এটা সময়ত কোটি টকাৰ মালিকৰ এতিয়া মাহিলী উপাৰ্জন মাথো ৩০ হাজাৰ।
১৯৯৩ চনত ভাৰতৰ হৈ অভিষেক ঘটোৱা কাম্বলিৰ আন্তঃৰাষ্ট্ৰীয় কেৰিয়াৰ অতি চুটি। তেওঁৰ কেৰিয়াৰত মাত্ৰ ১৭খন টেষ্ট খেলিছিল, য’ত তেওঁ ৫৪.২ গড়ে ১০৮৪ ৰান সংগ্ৰহ কৰিছিল। এই সময়ছোৱাত তেওঁ তিনিটা পঞ্চাশ, চাৰিটা শতক আৰু দুটা দ্বৈত শতক অৰ্জন কৰিছিল। ইয়াৰ উপৰিও তেওঁ দেশৰ হৈ ১০৪খন এদিনীয়া মেচ খেলিছিল, য’ত ৩২.৫৯ গড়ে ২৪৭৭ ৰান সংগ্ৰহ কৰিছিল। ইয়াৰ ভিতৰত আছিল দুটা পঞ্চাশ আৰু দুটা শতক।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
