৩ ৰানত আউট হ’লেও বিৰাটে গঢ়ি গ’ল এক অভিলেখ
ব্রিজবেনৰ গাব্বাত ভাৰত আৰু অষ্ট্ৰেলিয়াৰ মাজত চলি থকা বৰ্ডাৰ-গাভাস্কাৰ টেষ্ট ছিৰিজৰ তৃতীয়খন টেষ্ট মেচত ১০০ সংখ্যক টেষ্ট মেচ খেলি বিৰাট কোহলীয়ে নিজৰ নামত এক ডাঙৰ টেষ্ট অভিলেখ গঢ়িছে।
তৃতীয়বাৰৰ বাবে টছত জয়ী হৈ টেষ্টত অষ্ট্ৰেলিয়াক প্ৰথমে বেটিং কৰিবলৈ আমন্ত্ৰণ জনোৱাৰ পিছত কেংগাৰুৱে সুযোগ গ্ৰহণ কৰে, অষ্ট্ৰেলিয়াৰ ইনিংছৰ সময়ত ট্ৰেভিছ হেড আৰু স্মিথে শতকিয় ইনিংছ খেলি অষ্ট্ৰেলিয়াৰ হৈ ৰানৰ পাহাৰ গঢ়ে। ভাৰতৰ হৈ যশপ্ৰীত বুমৰাহে সৰ্বাধিক ৬ উইকেট দখল কৰে।
অষ্ট্ৰেলিয়াই ইনিংস সামৰাৰ পাছত ভাৰতে বেট ধৰে। পাছে গব্বাত প্ৰথম ইনিংছত বেটিং কৰি থকাৰ সময়ত বিৰাট কোহলিয়ে মাত্ৰ তিনি ৰান সংগ্ৰহ কৰিয়ে আউট হৈ পেভিলিয়নলৈ উভতে। কিন্তু আউট হোৱাৰ পূৰ্বে ২ ৰান সংগ্ৰহ কৰিয়ে নিজৰ নামত লিপিবদ্ধ কৰে এক বিশেষ অভিলেখ।
অষ্ট্ৰেলিয়াত টেষ্ট ক্ৰিকেটত ৰানৰ ক্ষেত্ৰত এতিয়া টিম ইণ্ডিয়াৰ প্ৰাক্তন প্ৰশিক্ষক তথা অধিনায়ক ৰাহুল দ্ৰাবিড়ৰ অভিলেখ ভংগ কৰে বিৰাট কোহলীয়ে। অষ্ট্ৰেলিয়াৰ বিৰুদ্ধে ৬২ খন টেষ্ট ইনিংছত ৰাহুল দ্ৰাবিড়ৰ নামত ২১৬৬ ৰান আছে।
এতিয়া ২ ৰান সংগ্ৰহ কৰাৰ পাছতে বিৰাট কোহলীয়ে অষ্ট্ৰেলিয়াৰ বিৰুদ্ধে ৪৮ টা টেষ্ট ইনিংছত ২১৬৮ ৰান সংগ্ৰহ কৰি অষ্ট্ৰেলিয়াৰ বিৰুদ্ধে সৰ্বাধিক ৰান সংগ্ৰহৰ ক্ষেত্ৰত দ্ৰাবিড়ৰ অভিলেখ ভংগ কৰে।
এতিয়া বিৰাট ক্ৰিকেটাৰ ভগৱান শচীন টেণ্ডুলকাৰ (৩৬৩০ ৰান) আৰু ভিভিএছ লক্ষ্মণ (২৪৩৪)ৰ পিছত অষ্ট্ৰেলিয়াৰ বিৰুদ্ধে সৰ্বাধিক ৰান সংগ্ৰহ কৰা তৃতীয়জন বেটছমেন হিচাপে পৰিগণিত হৈছে।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
