সম্প্ৰতি ভাৰতীয় ক্ৰিকেট দলৰ প্ৰাক্তন বিস্ফোৰক বেটাৰ বীৰেন্দ্ৰ ছেহৱাগ আৰু আৰতিৰ মাজত বিবাহ বিচ্ছেদৰ জল্পনা চলি আছে৷ দীৰ্ঘ প্ৰেমৰ অন্তত ২০০৪ চনত আৰতিৰ সৈতে বিবাহবন্ধনত আৱদ্ধ হৈছিল তৎকালীন বিস্ফোৰক বেটাৰ বীৰেন্দ্ৰ ছেহৱাগ৷ ২১ বছৰীয়া তেওঁলোকৰ এই সম্পৰ্কত ভাঙোন চলাৰ খবৰ চৰ্চালৈ আহিছে৷ দুয়োৱে গ্ৰে ডিভোৰ্ছ ল’ব বুলি তথ্য প্ৰকাশ পাইছে৷
কি এই গ্ৰে ডিভোৰ্ছ?
যেতিয়া দীৰ্ঘ সময় বিবাহ বন্ধনত থকা কোনো জুঁটিয়ে বয়স হৈ যোৱাৰ পাছত বিচ্ছেদৰ সিদ্ধান্ত লয় তেতিয়া তেওঁলোকে লোৱা ডিভোৰ্ছক গ্ৰে ডিভোৰ্ছ বুলি কোৱা হয়৷ গ্ৰে ডিভোৰ্ছ এতিয়া বেছ জনপ্ৰিয় হৈ উঠিছে৷ এই গ্ৰে ডিভোৰ্ছৰ ক্ষেত্ৰত সম্পৰ্ক ভঙাৰ বাবে আইনী জটিলতাসমূহৰ মুখামুখি হ’ব লাগিব৷ ইয়াৰ সৈতে মিউচুৱেল ডিভোৰ্ছ নল’লে ভৰণ পোষণৰ দিশটোত বিশেষ নজৰ দিয়া হয়৷
বিদেশত বহু দিন ধৰি বেছ জনপ্ৰিয় হৈ উঠিছে গ্ৰে ডিভোৰ্ছ৷ মাইক্ৰছফ্ট কোম্পানীৰ প্ৰতিষ্ঠাতা বিল গেটছেও দীৰ্ঘ সময় ধৰি বিবাহিত হৈ থকাৰ পাছত বিচ্ছেদ লৈ পৃথক হৈছে৷
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
