অসম লাইভ২৪ঃ বুৰ্জ খলিফা, সপোনৰ অট্টালিকা। পৃথিৱীৰ এই সু-উচ্চ অট্টালিকাত এটা ফ্লেট ক্ৰয় কৰাটো বহুতৰে সপোন হ’লেও এই সপোন সম্ভৱ কৰি তুলিবলৈ বৰ বেছি কঠিনো নহয়। পৃথিৱীৰ সু-উচ্চ অট্টালিকাত আছে ১৬৩ টা ফ্লৰ। ২০১০ চনত মুকলি কৰা এই বিশেষ অট্টালিকাটো ডুবাইৰ বিশেষ আকৰ্ষণৰ কেন্দ্ৰ। কিন্তু এই সু-উচ্চ অট্টালিকাত আপুনিও ক্ৰয় কৰিব পাৰে ফ্লেট।
বুৰ্জ খলিফাৰ উচ্চতা হৈছে ৮২৮ মিটাৰ। এই অট্টালিকাৰ ভিতৰত এপাৰ্টমেণ্ট আৰু ষ্টুডিঅ’ সকলোমিলি মুঠ বাসস্থানৰ সংখ্যা ৯০০টা। সেই অট্টালিকাত বসবাস কৰে প্ৰায় ৩৫ হাজাৰৰো অধিক লোকে। ২০০৪ চনত নিৰ্মাণৰ কাম আৰম্ভ হোৱা বুৰ্জ খলিফা তৈয়াৰ হৈ উঠোতে সময় লাগিছিল প্ৰায় ৫ বছৰ। ২০০৯ চনৰ ১ অক্টোবৰত বুৰ্জ খলিফাৰ নিৰ্মাণ সম্পূৰ্ণ হয়। লগে লগেই বুৰ্জ খালিফাক বিশ্বৰ সৰ্বাধিক উচ্চতা সম্পন্ন বিল্ডিং বুলি ঘোষণাও কৰে। ২০১০ চনৰ ৪ জানুৱাৰী তাৰিখে আনুষ্ঠানিকভাৱে এই সুউচ্চ অট্টালিকাটো উদ্বোধন কৰা হয়।
১৬৩ মহলীয়া এই অট্টালিকাৰ ভিতৰত কি আছে? পৃথিৱীৰ সুউচ্চ অট্টালিকাটো কেনেকৈ সজোৱা হৈছে? ভিতৰত কি কি আছে এই সকলোবোৰেই পৰ্যটকৰ আকৰ্ষণৰ কেন্দ্ৰ। বুৰ্জ খলিফাৰ ভিতৰত আছে মুঠ ৪টা ছুইমিং পুল। প্রথমটো আছে ৪৩ তলাত আৰু আনটো আছে ৭৬ তলাত। অন্য দুটা ছুইমিং পুল আছে ছাদৰ ওপৰত। বুৰ্জ খলিফাৰ ভিতৰত আছে এটি শৰীৰচৰ্চা কেন্দ্ৰও। এই অট্টালিকাৰ ১২৩ ফ্লৰত আছে এটি লাইব্ৰেৰী। যি সকলে কিতাপ পঢ়িবলৈ আগ্ৰহী তেওঁলোকৰ বাবেই এই লাইব্ৰেৰীটো নিৰ্মাণ কৰা হৈছে।
বুৰ্জ খলিফাৰ ৪৩, ৭৬ আৰু ১২৩ তলাত আছে স্কাই লবী। বিভিন্ন অনুষ্ঠানৰ বাবে ফ্লৰকেইটা ভাড়া দিয়া হয়। বুৰ্জ খলিফাৰ ভিতৰত আছে এটমস্ফিয়াৰ নামৰ এখন ব্যয়বহুল ৰেষ্টুৰেণ্ট। পৃথিবীৰ উচ্চতম ৰেষ্টুৰেণ্টসমূহৰ ভিতৰত এই ৰেষ্টুৰা অন্যতম। অৱশ্যে ২০২১ চনত চীনে নিৰ্মাণ কৰা সুউচ্চ ৰেষ্টুৰেণ্টে এই খিতাপ কাঢ়ি লয়।
পৃথিৱীৰ উচ্চতম ‘আউটডৰ অবজাৰভেছন’ আছে ১৪৮ নং ফ্লৰত। ৫৫৫ মিটাৰ উচ্চতাৰ এই ঠাই পৰ্যটকৰ আকৰ্ষণৰ কেন্দ্ৰ। সম্পূৰ্ণ ডুবাই চহৰখনকেই এই স্থানৰ পৰা দেখা যায়। বুৰ্জ খালিফাৰ পৰা ১৫৩ কিঃমিঃ দূৰত্বত আছে ইৰাণৰ এখন সমূদ্ৰ উপকুল। এই স্থানো বুৰ্জ খালিফাৰ ওপৰৰ পৰাই চাব পাৰি।
বুৰ্জ খলিফাৰ ১ আৰু ৮ নং মহলাত আছে বিশেষ হোটেল। এই দুটা ফ্লৰত আছে ১৬০ টাকৈ কোঠা। বুৰ্জ খলিফাৰ বাসিন্দাৰ বাহিৰেও অন্য লোকো এই হোটেলত থাকিব পাৰে। হোটেলৰ ভিতৰত আছে স্পা, ছুইমিং পুল, লাইব্ৰেৰী, জিমকে ধৰি বহু সা-সুবিধা। ইয়াৰ উপৰিও আছে নিজস্ব দোকান, বজাৰ, শ্বপিং মল। ইয়াক বাস কৰা বাসিন্দাসকলে প্ৰয়োজনীয় সামগ্ৰী ক্ৰয়ৰ বাবে বাহিৰলৈ যোৱাৰ প্ৰয়োজন নাই।
পৃথিৱীৰ উচ্চতম এই অট্টালিকাত থকাৰ বাবে খৰছ কিমান হয়? এই সুউচ্চ অট্টালিকাত ৪-৫ বেডৰুমৰ কোনো এপাৰ্টমেন্ট ক্ৰয় কৰিবলৈ লাগে ২ কোটি ৭ লাখ ডলাৰ। ভাৰতীয় টকাত এই মূল্য হ’ব ২০০ কোটি টকা। আনহাতে এই এপাৰ্টমেণ্টত বসবাস কৰা বাসিন্দাই দিব লাগে ছাৰ্ভিছ টেক্সো। এপাৰ্টমেণ্টৰ আকাৰৰ ওপৰত নিৰ্ভৰ কৰি সেই খৰচ বেলেগ বেলেগ হয়। বছৰত এই ছাৰ্ভিছ টেক্স সৰ্বাধিক হয়গৈ ১ কোটি টকা।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
