দেশবাসীৰ বাবে এক দুঃখবৰ। বলীউডৰ জনপ্ৰিয় গায়ক শিল্পী কে কেৰ আকস্মিক মৃত্যুত এতিয়া দেশজুৰি শোকৰ ছাঁ। মঙলবাৰে জনপ্ৰিয় শিল্পীগৰাকীয়ে দক্ষিণ কলকাতাৰ গুৰুদাস মহাবিদ্যালয়ৰ এক সংগীতানুষ্ঠানত ঢলি পৰে আৰু সংগীতানুষ্ঠানতে জীৱনৰ অন্তিমটো অনুষ্ঠান পৰিৱেশন কৰি সকলোকে কন্দুৱাই গুচি গ’ল কৃষ্ণ কুমাৰ কুন্নাথ ওৰফে কে কে।
অনুষ্ঠান পৰিৱেশনৰ পাছত কলকাতাৰ হোটেলত উপস্থিত হোৱাৰ সময়তো অসুস্থতা অনুভৱ কৰি ঢলি পৰিল। ব্যক্তিগত চিকিৎসা প্ৰতিষ্ঠান CMRI চিকিৎসালয়ত ভৰ্তি কৰাৰ পাছতে চিকিৎসকে মৃত ঘোষণা কৰে শিল্পীগৰাকীক। মৃত্যুৰ সময়ত পত্নীৰ লগতে ২টি সন্তানক শিল্পীগৰাকীয়ে ইহ সংসাৰত এৰি থৈ যায়।
চিকিৎসকে সন্দেহ কৰা মতে হৃদযন্ত্ৰৰ ক্ৰিয়া বন্ধ হৈ মৃত্যুক সাৱটি লয় শিল্পীগৰাকীয়ে। কিন্তু কলকাতা আৰক্ষীয়ে শিল্পীগৰাকীক মৃত্যুক স্বাভাৱিক মৃত্যু বুলি মানি ল’ব পৰা নাই। সেয়ে কলকাতা আৰক্ষীয়ে কলকাতাৰ নিউ মাৰ্কেট থানাত গোচৰ ৰুজু কৰিছে। আনহাতে শিল্পীগৰাকীৰ মূৰ আৰু মুখত আঘাতৰ চিনো স্পষ্ট হৈছে।
লগতে পঢ়ক দলত্যাগ নহয়, কংগ্ৰেছৰ পৰা বহিষ্কাৰহে! কাৰ বাবে স্থান নাই কংগ্ৰেছত?
ইফালে হোটেলৰ cctv ফুটেজ পৰীক্ষণ কৰিছে আৰক্ষীয়ে। হোটেল কৰ্তৃপক্ষৰ লগতে অনুষ্ঠানৰ উদ্যোক্তাকো জেৰা চলাব আৰক্ষীয়ে। বৰ্তমান আৰক্ষীয়ে তদন্ত আৰম্ভ কৰিছে। কলকাতাৰ SSKM হাস্পতালত সম্পন্ন হ’ব কে কেৰ মৰণোত্তৰ পৰীক্ষা।
কে কেৰ মৃত্যুত প্ৰধানমন্ত্ৰী নৰেন্দ্ৰ মোদী, গৃহমন্ত্ৰী অমিত শ্বাহ, মুখ্যমন্ত্ৰী হিমন্ত বিশ্ব শৰ্মা, কেন্দ্ৰীয় মন্ত্ৰী সৰ্বানন্দ সোণোৱালে টুইটযোগে শোক প্ৰকাশ কৰিছে।
অনুষ্ঠানত পৰিৱেশনৰ পাছতে কে কেক ধৰি হোটেললৈ লৈ যোৱা হৈছিল। ৯০ দশকৰ পৰা বৰ্তমানলৈকে কোটি কোটি শ্ৰোতাক মুগ্ধ কৰি ৰখা কে কেৰ অকাল মৃত্যুত ম্ৰিয়মান দেশবাসী। কে কেৰ আছিল বৰ্ণাঢ্য জীৱন পৰিক্ৰমা৷
১৯৯৪ চনত সংগীতৰ বাবে মুম্বাইলৈ যোৱাৰ পূৰ্বে কে কে হোটেল ইণ্ডাষ্ট্ৰিতো কাম কৰিছিল। এবাৰ দিল্লীত গান গাই থাকোতে হৰিহৰণে দেখা পাইছিল কে কেক। কণ্ঠশিল্পীগৰাকীক হৰিহৰণে মুম্বাইলৈ যাবলৈ উৎসাহিত কৰিছিল।
লগতে পঢ়ক চিগাৰেট সেৱনকাৰী বলীউডৰ তাৰকা, কিয় ধঁপাত ত্যাগ কৰিলে এই তাৰকাসকলে?
এই কথা কে কেই এটা সাক্ষাৎকাৰত কৈছিল। কিশোৰ কুমাৰৰ পৰা কে কে যথেষ্ট অনুপ্ৰাণিত হৈছিল। কিশোৰ কুমাৰ আইডল হিচাপে লৈছিল কৃষ্ণ কুমাৰ কুন্নাথে।
কে কেক মঞ্চত গীত পৰিৱেশনৰ সময়ত বাৰে বাৰে ঘাম মোহাৰি থকা দেখা গৈছিল। গীত পৰিৱেশনৰ সময়তো যথেষ্ট ভাগৰুৱা দেখা গৈছিল শিল্পীগৰাকীক। মৃত্যুৰ পূৰ্বে অনুষ্ঠানত পৰিৱেশন কৰিছিল হাম ৰহ্যে য়া না ৰহ্যে কল গীতটি। বজৰংগী ভাইজানৰ টু জো মিলা গীত গাই আৱেগিক কৰি থৈ গ’ল অনুৰাগীক কে কে-এ।
একাংশ উদণ্ড যুৱকে ফায়াৰ এষ্টিংগুইছাৰ স্প্ৰে কৰিছিল যাৰ ফলত চৌদিশে ধোৱাময় পৰিৱেশৰ সৃষ্টি হৈছিল। বহু কষ্টৰ মাজত অনুষ্ঠান পৰিৱেশন কৰিছিল যদিও সকলোকে কন্দুৱাই গুচি গ’ল কে কে।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
