ভুল মোবাইল নম্বৰত ৰিচাৰ্জ কৰিলে সকলোৱে চিন্তাত পৰে। জিঅ’ৰ গ্ৰাহকে ধন ঘূৰাই পোৱাৰ সুযোগ লাভ কৰে। ভুলতে আন কাৰোবাৰ মোবাইল নম্বৰত ৰিচাৰ্জ কৰাটো এটা অতি সাধাৰণ সমস্যা। আগতে এনে ভুল হ’লে ধন ঘূৰাই পোৱাটো প্ৰায় অসম্ভৱ হৈ পৰিছিল। কিন্তু এতিয়া ৰিলায়েন্স জিঅ’ আৰু এয়াৰটেলে তেওঁলোকৰ গ্ৰাহকৰ বাবে ৰিভাৰ্ছ ৰিচাৰ্জৰ সুবিধা আগবঢ়াইছে।
অৱশ্যে কিছুমান চৰ্ত সাপেক্ষে এই সুবিধা উপলব্ধ। সঠিক সময়ত আবেদন কৰিলে ধন ঘূৰাই পোৱাৰ সম্ভাৱনা বৃদ্ধি পায়। Jio গ্ৰাহকৰ বাবে জনা গুৰুত্বপূৰ্ণ কথা – যদি আপুনি MyJio এপ ব্যৱহাৰ কৰি ভুল নম্বৰত ৰিচাৰ্জ কৰিছে, তেন্তে সেই ৰিচাৰ্জ ওলোটা কৰিবলৈ আবেদন কৰা সম্ভৱ।
অৱশ্যে কিছুমান গুৰুত্বপূৰ্ণ চৰ্ত আছে – এই সুবিধা কেৱল MyJio এপৰ পৰা কৰা ৰিচাৰ্জৰ বাবে প্ৰযোজ্য। যদি ৰিচাৰ্জ পেটিএম, ফোনপে বা আন কোনো তৃতীয় পক্ষৰ প্লেটফৰ্মৰ পৰা কৰা হয়, তেন্তে এই সুবিধা উপলব্ধ নহ’ব। ৰিচাৰ্জ কৰাৰ লগে লগে ৰিভাৰ্ছলৰ অনুৰোধ কৰিব লাগিব। বিভিন্ন খবৰ অনুসৰি ৰিচাৰ্জ হোৱাৰ প্ৰায় ৩ ঘণ্টাৰ ভিতৰত উভতাই আনিবলৈ অনুৰোধ কৰাৰ সুযোগ পায় গ্ৰাহকে। ইয়াৰ পিছত এই বিকল্প নাথাকে।
ভুল নম্বৰত কৰা ৰিচাৰ্জ উভতাই আনিবলৈ প্ৰথমে MyJio এপটো খুলি আপোনাৰ একাউণ্টত লগ ইন কৰক। তাৰ পিছত এই পদক্ষেপসমূহ অনুসৰণ কৰক— লেনদেনৰ হিষ্ট্ৰীলৈ যাওক। শেহতীয়াকৈ কৰা ভুল ৰিচাৰ্জ নিৰ্বাচন কৰক। যদি ৰিচাৰ্জ উভতাই অনাৰ বিকল্প আছে, “Cancel Plan”ত টেপ কৰক। তাৰ পিছত ৰিচাৰ্জ বাতিল কৰাৰ উপযুক্ত কাৰণ বাছি লওক। ৰিফাণ্ড পদ্ধতি নিৰ্বাচন কৰক আৰু অনুৰোধ জমা দিয়ক।
যদি অনুৰোধ অনুমোদিত হয়, তেন্তে জিঅ’ই ৰিফাণ্ডৰ ধন আপোনাৰ মূল পেমেণ্ট পদ্ধতি বা একাউণ্টলৈ ঘূৰাই পঠিয়াব। এয়াৰটেলৰ গ্ৰাহকে কি কৰা উচিত? যদি ভুলতে এয়াৰটেলৰ নম্বৰত ৰিচাৰ্জ কৰা হয়, তেন্তে এয়াৰটেল থেংকচ এপৰ জৰিয়তে অভিযোগ দাখিল কৰিব পাৰিব। গ্ৰাহকে সহায়ৰ বাবে ১২১ বা টোল ফ্ৰী ১৯৮ নম্বৰতো ফোন কৰিব পাৰে। Airtel Thanks App ত অভিযোগ দাখিল কৰাৰ পদক্ষেপসমূহ: Airtel Thanks App খোলক আৰু Help & Support অংশলৈ যাওক। “শেহতীয়া ৰিচাৰ্জৰ সৈতে সমস্যাৰ সন্মুখীন হোৱা” বিকল্প নিৰ্ব্বাচন কৰক। তাৰ পিছত “Wrong & Accidental Recharge” বা “Wrong Recharge Reversal” বিকল্পত ক্লিক কৰক। তাত ট্ৰেন্সজেকচন আইডি, ৰিচাৰ্জৰ তাৰিখ, ৰিচাৰ্জৰ পৰিমাণ আৰু ভুল মোবাইল নম্বৰৰ তথ্য দি আবেদন জমা দিব।
ইয়াৰ পিছত এয়াৰটেলে আপোনাৰ আবেদন পৰীক্ষা কৰি নিয়ম অনুসৰি অধিক ব্যৱস্থা গ্ৰহণ কৰিব। কিন্তু এয়াৰটেলৰ ক্ষেত্ৰত ভুল ৰিচাৰ্জ উভটিব নে নহয় সেয়া নিৰ্ভৰ কৰিব ৰিচাৰ্জ বেলেঞ্চ বা প্লেন ইতিমধ্যে ব্যৱহাৰ কৰা হৈছে নে নাই সেইটোৰ ওপৰত যিটো নম্বৰত ভুল ৰিচাৰ্জ কৰা হৈছিল।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
