এক সমস্যাৰ বাবে এটা কথাও কব পৰা নাছিল চিনেমাত, এগৰাকী কমেডিয়ানৰ মাতত হে কৰিছিল অভিনয়
ডিঙিৰ কৰ্কট ৰোগৰ বাবে এগৰাকী অভিনেতাজনে গোটেই চিনেমাখনতেই এটাও সংলাপ ক’ব পৰা নাছিল। মাতেই নাছিল অভিনেতাগৰাকীৰ। কিন্তু চিনেমাখনৰ মুক্তিৰ পাছতো সেই কথা জানিব নোৱাৰে কোনো অনুৰাগী তথা দৰ্শকে। কিয়নো এগৰাকী সুদক্ষ কমেডিয়ানে তেখেতৰ ডাবিং দক্ষতাৰে এই সমস্যাৰ সমাধান কৰিছিল। ইমান সাৱলিল ভাৱে অভিনেতাগৰাকীৰ মাত উলিয়াইছিল যে, সেই কথা বহু লোকেই আজি পৰ্যন্ত নাজানে।
বলীউডৰ বহু তাৰকাই নিজৰ অভিনয়ৰ দক্ষতা দেখুৱাইছে। কিন্তু ইয়াৰ ভিতৰত এজন তাৰকা আছিল যাৰ কণ্ঠ আৰু সংলাপ প্ৰদান সকলোৰে প্ৰিয়। কিন্তু এই ছুপাৰষ্টাৰগৰাকী ডিঙিৰ কৰ্কট ৰোগত আক্ৰান্ত হৈছিল যাৰ বাবে তেওঁ নিজৰ শক্তিশালী কণ্ঠৰে একো ক’ব পৰা নাছিল, তেতিয়া সেই যুগৰ নতুন কমেডিয়ান এজনে তেওঁৰ কণ্ঠেৰে ডাবিং কৰি ছবিখন সম্পূৰ্ণ কৰিছিল।
সেই অভিনেতাগৰাকী হৈছে- ৮০-৯০ৰ দশকৰ ছুপাৰষ্টাৰ ৰাজকুমাৰৰ। যিজন ৰাজকুমাৰে নিজৰ কেৰিয়াৰত বহু সফল ছবিত কাম কৰিছিল আৰু তেওঁৰ কণ্ঠই আছিল তেখেতৰ অভিনয়ৰ মূল চালিকা শক্তি। কিন্তু শেষত সেই অভিনেতাই কৰ্কট ৰোগৰ বাবে হেৰুৱাইছিল কন্ঠ।
ৰাজকুমাৰজন কঠোৰ স্বভাৱৰ বাবেও পৰিচিত আছিল। তেওঁ কেতিয়াও নিজৰ কামৰ লগত আপোচ কৰা নাছিল। তেওঁ বহুবাৰ কৈছিল যে ছবি ফ্লপ হ’লেও তেওঁৰ কঠোৰ পৰিশ্ৰম কেতিয়াও কমি নাযায়। এই ধৰণৰ আত্মবিশ্বাসে তেওঁক উদ্যোগটোত এক সুকীয়া পৰিচয় দিছিল।
যি কণ্ঠৰ আধাৰত ৰাজকুমাৰে বহু ছবিত নিজৰ অভিলয় দক্ষতা দেখুৱাইছিল, সেই কণ্ঠই ১৯৯৫ চনত মুক্তি পোৱা ‘জৱাব’ ছবিখনৰ সময়ত কন্ঠ হেৰুৱাইছিল। সেই সময়ত ৰাজকুমাৰৰ ডিঙিৰ কৰ্কট ৰোগ ধৰা পৰিছিল। কিন্তু নিজৰ ৰোগৰ কথা কাকো কোৱা নাছিল, আনকি ছবিখনৰ পৰিচালক অজয় কাশ্যপকো কোৱা নাছিল। যাৰ বাবে ছবিখনত ভালদৰে একো কব নোৱাৰা গৈ পৰিছিল।
অজয় কাশ্যপে যেতিয়া ৰাজকুমাৰক এই বিষয়ে জোৰ দি সোধে, তেতিয়াহে অভিনেতাজনৰ অসুস্থতাৰ বিষয়ে জানে। লগে লগে পৰিচালক অজয় কাশ্যপে ডাবিং কৰাৰ বাবে মানুহ বিচাৰে। সেই সময়ত কমেডিয়ান জনী লিভাৰ অন্য লোকৰ কন্ঠ অনুকৰণ কৰাত সিদ্ধহস্ত বুলি নাম কৰিবলৈ সক্ষম হৈছিল। যাৰ বাবে অজয় কাশ্যপ কাষ চাপিছিল জনী লিভাৰৰ।
জনীয়ে অজয় কাশ্যপৰ পৰামৰ্শ অনুসৰণ কৰি ৰাজকুমাৰৰ দৰে শব্দ উলিয়াবলৈ যৎপৰোনাস্তি চেষ্টা কৰিছিল আৰু বহু পৰিমাণে সফল হৈছিল। সম্পূৰ্ণ ছবিখনেই অভিনয় ৰাজকুমাৰৰ কিন্তু কন্ঠ জনী লিভাৰৰেৰেই মুক্তি পায়। মুক্তিৰ সময়ত কোনো দৰ্শকেই ধৰিব নোৱাৰে সেয়া ৰাজকুমাৰ নহয় বৰঞ্চ জনীৰ হে মাত।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
