নিশাৰ আকাশত সপ্তৰ্ষি মণ্ডল দেখিছেনে? এই ৭ ঋষি কোন কোন? জানি থওক ৭ ঋষিৰ কাহিনী

প্ৰাচীন কালৰে পৰাই সাত ঋষিৰ কথা আলোচিত হৈছে নানান শাস্ত্ৰত৷ পুৰাণ অনুসৰি সপ্তৰ্ষিৰ ওপৰত ভৰ কৰিয়েই চলি আছে সনাতন ধৰ্ম, এওঁলোকৰ ওপৰতেই আছে বিশ্বব্ৰহ্মাণ্ড ৰক্ষা কৰাৰ দায়িত্ব৷ স্বয়ং প্ৰজাপতি ব্ৰহ্মাৰ মনৰ পৰা এই সাত ঋষিৰ উৎপত্তি৷ জ্ঞান, বিজ্ঞান, ধৰ্ম, জ্যোতিষ আৰু যোগৰ সৰ্বোচ্চ স্তৰত এইসমূহে অৱস্থান কৰে৷ জানি থওক সাত ঋষি সম্পৰ্কে আৰু তেওঁলোকৰ নামেৰে নামাঙ্কিত আকাশৰ সাত তৰাৰ কাহিনী৷

এই সপ্ত ঋষি কি কি?

প্ৰাচীন কালৰ সৰ্বশাস্ত্ৰজ্ঞ মহাপণ্ডিত সাত ঋষিক একেলগে সপ্তৰ্ষি বুলি কোৱা হয়৷ বিশ্বব্ৰহ্মাণ্ডৰ ভাৰসাম্য বজায় ৰখা আৰু মানৱ সভ্যতাক সঠিক পথত চালনা কৰাই সাত ঋষিৰ দায়িত্ব৷ ধাৰণা কৰা হয় যে এই সাত ঋষিয়ে আজিও তেওঁলোকৰ কৰ্মত লিপ্ত হৈ আছে৷ দেহত্যাগৰ পাছত এওঁলোকে আকাশত জ্যোতিষ্ক হৈ পৰে বুলি ধৰ্মীয় বিশ্বাস৷ সেই কাৰণতে সপ্তৰ্ষি মণ্ডল এওঁলোকৰ নামেৰে নামাঙ্কিত৷ নিশাৰ আকাশত দেখা যায় এই সাত তৰাৰ এই সমষ্টিক৷

সাত ঋষিৰ নাম

বেদত উল্লেখিত এই সাত ঋষিৰ নাম হৈছে ঋষি কাশ্যপ, ঋষি অত্ৰি, ঋষি ভৰদ্বাজ, ঋষি বিশ্বামিত্ৰ, ঋষি গৌতম, ঋষি জমদগ্নি আৰু ঋষি বশিষ্ঠ৷ বৈদিক ধৰ্মক এই সাত ঋষিয়েই ৰক্ষা কৰি চলিছে বুলি ধাৰণা কৰা হয়৷

সপ্তৰ্ষিৰ পৰিচয়

ঋষি কাশ্যপ

সপ্ত ঋষিৰ প্ৰথম ঋষি কাশ্যপৰ ১৭গৰাকী পত্নী আছিল৷ অন্যতম পত্নী অদিতিৰ পৰা জন্ম হৈছিল সকলো দেৱতাৰ৷ আৰু এগৰাকী পত্নী দিতিৰ পৰা জন্ম হৈছিল ৰাক্ষসকূলৰ৷ কাশ্যপৰ অন্য সকলো পত্নীৰ পৰাই সকলো প্ৰাণীকূলৰ জন্ম হোৱা বুলি ধাৰণা কৰা হয়৷ কাশ্যপ হৈছে ব্ৰহ্মাৰ মানস পুত্ৰ মাৰিচিৰ পুত্ৰ৷ মহাপণ্ডিত এই ঋষিৰ শিষ্যসকলে বিশ্ব-ব্ৰহ্মাণ্ড সৃষ্টিৰ কাম আগুৱাই লৈ যায় বুলি প্ৰচলিত বিশ্বাস৷

এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ