৬৭ সংখ্যক জন্মদিনত বলিউদৰ বৰ্ষীয়ান অভিনেতা অনুপম খেৰে সামাজিক মাধ্যমত নিজৰ অৰ্ধ নগ্ন ফ’টো শ্বেয়াৰ কৰি চৰ্চালৈ আহিছে৷
শেহতীয়াকৈ ৰাজনৈতিক মন্তব্য দি বিশেষকৈ চৰকাৰৰ অন্ধ ভক্তৰ দৰে আচৰণ কৰি বিভিন্ন সময়ত ট্ৰলৰ সন্মুখীনও হৈ আহিছে বলিউদৰ অভিনেতাগৰাকী৷
এইবাৰ অভিনেতাগৰাকীয়ে নিজৰ ইনষ্টাগ্ৰাম একাউন্টত দুখন অৰ্ধ নগ্ন ফ’টো শ্বেয়াৰ কৰি লিখিছে, ‘‘হেপ্পী বাৰ্থদে টু মি’’৷
লগতে পঢ়ক ৰাছিয়া-ইউক্ৰকেইন যুদ্ধৰ কুফল ভুগিব ভাৰতবাসীয়ে : ২০ টকা পৰ্যন্ত বৃদ্ধি হ’ব ইন্ধনৰ মূল্য!
অৰ্থাৎ শৰীৰ নিম্নাংশত কেৱল এটা ক’লা অণ্ডাৰৱেৰ পিন্ধি শৰীৰত তেল লগাই তোলা দুখন ফ’টো শ্বেয়াৰ কৰি নিজকে জন্মদিনৰ শুভেচ্ছা জ্ঞাপন কৰিছে অভিনেতা অনুপম খেৰে৷
অৱশ্যে অভিনেতাগৰাকীয়ে তেওঁৰ এই অৰ্ধনগ্ন ফ’টো দুখন অন্য দৃষ্টিৰে শ্বেয়াৰ কৰা নাই, ২০২২ বৰ্ষটো তেওঁৰ বাবে শৰীৰ চৰ্চাৰ বৰ্ষ হ’ব বুলি সংকল্প লৈহে দুয়োখন ফ’টো শ্বেয়াৰ কৰিছে৷
পোষ্টটোত নিজৰ ৩৭ বছৰীয়া অভিনয় জীৱনৰ অভিজ্ঞতাৰ বিষয়ে চমুকৈ লিখি অনুপম খেৰে নিজকে নতুন লক্ষ্যে স্পৰ্শ কৰিবলৈ অনুপ্ৰাণিত কৰা বুলি উল্লেখ কৰিছে৷
লগতে পঢ়ক এইবাৰ নিজৰ দুৰ্ঘটনাক লৈ ‘কাচা বাদাম’ৰ গায়ক ভুৱন বাদ্যকাৰৰ নতুন গান
অৰ্থাৎ ২০২২ বৰ্ষত অনুপম খেৰে শৰীৰৰ চৰ্চা কৰাৰ বাবে মন বান্ধিছে৷ ইতিমধ্যে অভিনেতাগৰাকীয়ে শৰীৰ চৰ্চাৰ আৰম্ভ কৰা বুলিও সদৰী কৰিছে৷
আচলতে এই দুখন ফ’টোৰেৰে ২০২২ বৰ্ষত শৰীৰ চৰ্চা আৰম্ভ কৰাৰ কথা অনুৰাগীসকলক অৱগত কৰিছে অভিনেতাগৰাকীয়ে৷
ইনষ্টাগ্ৰামত নিজৰ এই দুখন ফ’টো শ্বেয়াৰ কৰাৰ পিছতে হাজাৰ হাজাৰ অনুৰাগীয়ে অভিনেতাগৰাকীক জন্মদিনৰ শুভেচ্ছা জ্ঞাপন কৰিছে৷
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
