ঘড়ী এনে এটা যন্ত্ৰ যি সময় নিৰ্ধাৰণত সহায় কৰে। সময়ৰ মাপ ল’বলৈ আৱিষ্কাৰ হোৱা ঘড়ী এক অতি পুৰণি আৱিষ্কাৰ। প্ৰাকৃতিক ভাৱে সূৰ্যৰ অৱস্থানৰ বাবে যিকোনো বস্তুৰ মাটিত পৰা ছাঁৰ পৰাও পূৰ্বতে সময় অনুমান কৰা হৈছিল লগতে পানী ঘড়ীও প্ৰাচীনতম ঘড়ী হিচাপে উল্লেখযোগ্য। ১৩০০ খ্ৰীষ্টাব্দত ইউৰোপত প্ৰথম যান্ত্ৰিক ঘড়ীৰ আৱিষ্কাৰ হয়। যি সন্তোলন চক্ৰৰ দৰে কাম কৰিছিল। প্ৰতিটো আধুনিক ঘড়ীত সময় প্ৰদৰ্শনৰ উপাদান সমূহ হৈছে কিছুমান ধ্বনিগত দোলক যি এক বাস্তৱ উপাদান আৰু এই উপাদানটো এটা নিৰ্দিষ্ট কম্পনাংকত দোলিত হয়। এই উপাদানটো হয়তো এটা পেণ্ডুলাম বা সুৰকৰণ মাৰি বা কোৱাৰ্টজ স্ফটিক বা পৰমাণু আৰু ইলেকট্ৰণৰ বিক্ৰিয়াৰ দ্বাৰা মাইক্ৰ’ৱেভ সৃষ্টি হৈ নিৰ্গত হোৱা স্পন্দন হ’ব পাৰে। মোবাইলৰ জনপ্ৰিয়তা বাঢ়িলেও আজিও মানুহে সময় চাবলৈ ঘড়ীৰ ব্যৱহাৰ কৰে। সময় পৰীক্ষা কৰাটো আমাৰ জীৱনৰ এটা অংশ, কিন্তু ঘড়ীৰ কাঁটা সোঁহাতলৈ কিয় ঘূৰে? ইয়াৰ বিষয়ে আজি সবিশেষ জানো আহক…
প্ৰাচীন গ্ৰীচৰ সময়ত sundial ব্যৱহাৰ কৰা হৈছিল। সেই সময়ত উত্তৰ গোলাৰ্ধত মানুহ বাস কৰিছিল। সূৰ্যই পূব দিশত উদয় হৈ পশ্চিম দিশলৈ গতি কৰে, আকাশৰ দক্ষিণ অংশৰ মাজেৰে পাৰ হৈ যায়। সূৰ্য সদায় পূবৰ পৰা দক্ষিণ হৈ পশ্চিম দিশলৈ গতি কৰে। ইয়াৰ ফলত, সূৰ্যৰ পোহৰত পৰা যিকোনো বস্তুৰ ছাঁটোও ঠিক সেইদৰে বাওঁফালৰ পৰা সোঁফাললৈ (ওপৰৰ পৰা তললৈ) ঘূৰে।
দ্বাদশ আৰু পঞ্চদশ শতিকাৰ ভিতৰত যেতিয়া ইউৰোপত প্ৰথম যান্ত্ৰিক ঘড়ী নিৰ্মাণ কৰা হৈছিল, তেতিয়া শিল্পীসকলে সূৰ্যঘড়ীত দেখুওৱা দিশটো গ্ৰহণ কৰিছিল। লাহে লাহে এই দিশটোৱেই সঠিক হৈ পৰিল। হাত দুখন বিপৰীত দিশত গতি কৰা হ’লে মানুহে সময় বুজিবলৈ অসুবিধা পালেহেঁতেন। অভ্যাস আৰু পৰম্পৰাৰ সংমিশ্ৰণে ঘড়ীৰ কাঁটাৰ দিশত চলাচলক বিশ্বজুৰি গ্ৰহণযোগ্য কৰি তুলিলে।
অস্বীকাৰ: এই কাহিনীটো ছ’চিয়েল মিডিয়াত পোৱা তথ্যৰ ভিত্তিত সংকলিত কৰা হৈছে। Asom Live 24 এ এই বিষয়বস্তুৰ সত্যতা পৰীক্ষা নকৰে।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
