ভাৰতত এতিয়া বিয়াৰ বতৰ৷ প্ৰতিদিনেই সামাজিক মাধ্যমত বিভিন্ন বিয়াৰ বিভিন্ন ভিডিঅ’ ভাইৰেল হোৱা দেখা যায়৷
তাৰে কিছুমান ভিডিঅ’ৱে তড়িৎ গতিত ভাইৰেল হোৱা পৰিলক্ষিত হয়৷ ইয়াৰ মাজৰে একাংশ ভিডিঅ’ৱে নেটিজেনসকলৰ মাজত বিশেষ প্ৰভাৱ বিস্তাৰ কৰাও দেখা যায়৷ আন একাংশ ভিডিঅ’ দেখি নেটিজেনসকলে আচৰিত হোৱা পৰিলক্ষিত হয়৷
ইয়াৰ মাজতে সামাজিক মাধ্যমত বিবাহ অনুষ্ঠানৰ অন্য এক ভিডিঅ’ ভাইৰেল হৈছে, যিটো ভিডিঅ’ৱে সামাজিক মাধ্যমত যথেষ্ট ভাইৰেল হোৱাৰ লগতে বিভিন্ন লোকক হচকিত কৰি তুলিছে৷
লগতে পঢ়ক স্পাইজেটৰ উৰন্ত বিমানত তীব্ৰ জোকাৰণি, ১৫ গৰাকী যাত্ৰী আহত : চাওক ভিডিঅ’
ভাইৰেল হোৱা ভিডিঅ’টোত দেখা গৈছে যে বিবাহ সম্পন্ন হোৱাৰ পিছতে দৰা আৰু কইনাই তীব্ৰ গতিৰে দৌৰিছে৷ দৰাৰ এখন হাতত কইনাই ধৰি তীব্ৰ গতিৰি দৌৰি যোৱা পিছতে এখন গাড়ীৰ পিছফালটো দেখা যায়৷ ভিডিঅ’টো এইদৰে প্ৰত্যক্ষ কৰাৰ পিছতে ধাৰণা কৰা হৈছে যে দৰা-কইনাই গাড়ীখনক ধৰিবলৈহে দৌৰিছে!
View this post on Instagram
অৱশ্যে ভিডিঅ’টোত দৰা-কইনাৰ পিছে পিছে অন্য কিছু লোকেও দৌৰি থকা দেখা গৈছে৷ কিছুলোকৰ মতে এয়া বিবাহ অনুষ্ঠানৰ পিছত কইনাই মাতৃ গৃহৰ পৰা ওলাই অহাৰ পিছত পালন কৰা এক নিয়মহে৷ অৰ্থাৎ মাতৃ গৃহৰ পৰা স্বামী অৰ্থাৎ দৰাৰ হাতত ধৰি কইনাই চলন্ত গাড়ীত উঠিবলৈ দৌৰাটো এক নিয়মেই৷
লগতে পঢ়ক ৰাছিয়াক ত্ৰিভূৱন দেখুওৱা কোন এই ‘Ghost of Kyiv’? কেনেকৈ মৃত্যু হ’ল তেওঁৰ?
এই ভিডিঅ’টো rkkhana6549ৰ নামৰ এক ইনষ্টাগ্ৰাম একাউন্টৰ পৰা শ্বেয়াৰ কৰা হৈছে৷ এতিয়ালৈকে ভিডিঅ’টো প্ৰায় ৮০ লাখ লোকে প্ৰত্যক্ষ কৰিছে৷ ৩ লাখ ১১ হাজাৰো অধিক লোকে লাভ ৰিয়েক্ট কৰা ভিডিঅ’টোত ২৩ শৰো অধিক লোকে কমেণ্ট কৰিছে৷
উল্লেখ্য যে সামাজিক মাধ্যমত ভাইৰেল হোৱা ইচ্ছাৰে আজিকালি বিভিন্ন ধৰণৰ কাণ্ড সংঘটিত কৰা হয়৷ বিবাহৰ পিছত দৰা-কইনাই গাড়ীৰ পিছে পিছে তীব্ৰ গতিৰে দৌৰাটোও এনে কাণ্ডৰে অংশ নে সঁচাই বিবাহৰ মাংগলিক কাৰ্য সেয়া এতিয়াও জানিব পৰা হোৱা নাই৷
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ