এখন উৰন্ত স্পাইজেট বিমানত হোৱা তীব্ৰ জোকাৰণিত অতি কমেও ১৫ গৰাকী বিমান যাত্ৰী আহত হৈছে৷
দেওবাৰে সন্ধিয়া মুম্বাইৰ পৰা দুৰ্গাপূৰৰ অভিমুখে যাত্ৰা কৰা স্পাইজেট ব’য়িং বি ৭৩৭ বিমানখনত অৱতৰণৰ সময়তে হঠাতে তীব্ৰভাৱে জোকাৰণিৰ সৃষ্টি হয়৷
হঠাতে হোৱা জোকাৰণিৰ ফলতে বিমানখনৰ ক্ৰিউ সদস্যসহ প্ৰায় ১৫ গৰাকী যাত্ৰী আঘাতপ্ৰাপ্ত হয়৷ আহত যাত্ৰীসকলক স্থানীয় চিকিৎসালয়ত ভৰ্তি কৰোৱা হয়৷
লগতে পঢ়ক শ্বেয়াৰ বজাৰত টকাৰ উজান। কিয় কমিছে পেনি ষ্টকৰ দাম?
অসামৰিক বিমান পৰিবহণ সঞ্চালকালয়ে সোমবাৰে পুৱা ভাগত ঘটনা সন্দৰ্ভত প্ৰতিক্ৰিয়া প্ৰকাশ কৰি কয় যে উক্ত জোকাৰণিত কিছুসংখ্যক যাত্ৰীয়ে আহত হৈছে৷ ঘটনা সন্দৰ্ভত বিভাগীয় তদন্তৰ নিৰ্দেশ দিয়া হৈছে৷ আনহাতে, আহত যাত্ৰীসকলৰ স্বাস্থ্য পৰীক্ষাৰ প্ৰতিবেন লাভ কৰাৰ পিছতে তদন্ত প্ৰক্ৰিয়া আৰম্ভ হোৱাৰ কথা৷
ইফালে সমগ্ৰ জোকাৰণিৰ ঘটনাটোৰ ভিডিঅ’ সামাজিক মাধ্যমত ভাইৰলে হৈ পৰিছে৷ স্পাইজেটৰ মতে ঘটনাটোত ১১ গৰাকী যাত্ৰীহে আঘাত প্ৰাপ্ত হৈছে৷
লগতে পঢ়ক মাটিৰ পাত্ৰত গৰম চাহ খোৱাৰ উপকাৰিতা
Around twelve passengers were injured due to severe turbulence on a #SpiceJet Mumbai-Durgapur flight while it was descending for the destination airport.
Read more here: https://t.co/5tWstLuiFd pic.twitter.com/VysuYmuzEn
— Hindustan Times (@htTweets) May 2, 2022
‘‘১ মে’ত মুম্বাইৰ পৰা দুৰ্গাপুৰলৈ যাত্ৰা কৰা স্পাইচজেট এছজি-৯৪৫ বিমানখন অৱতৰণৰ সময়তে সৃষ্টি হোৱা জোকাৰণিৰ ফলত এঘাৰজন যাত্ৰী আহত হয়৷ আঘাতপ্ৰাপ্ত যাত্ৰীসকলক চিকিৎসালয়ত ভৰ্তি কৰোৱা হয়। চিকিৎসালয়ত ভৰ্তি হোৱাসকলৰ ভিতৰত আঠজনক এতিয়ালৈকে অব্যাহতি দিয়া হৈছে’’ স্পাইজেটৰ এজন মুখপাত্ৰই সোমবাৰে কয়।
উল্লেখ্য যে উক্ত জোকাৰণিটো বতৰৰ পৰিৱৰ্তিত পৰিস্থিতিৰ বাবে সংঘটিত হোৱা বুলি প্ৰকাশ পাইছে৷
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
