ইতিমধ্যে ৰাছিয়াই ইউক্ৰেইনৰ কে’বাখনো চহৰ ধ্বংস্তূপত পৰিণত কৰিছে৷ ইয়াৰ মাজতে খবৰ আহিছে যে ৰাছিয়ান বায়ুসেনাক ত্ৰিভূৱন দেখুওৱা ইউক্ৰেইন বায়ুসেনাৰ এগৰাকী পাইলটৰ মৃত্যু ঘটিছে৷
ব্ৰিটিছ মিডিয়া প’ৰ্টেল দ্য টাইমছে অৱ লণ্ডন-এ দাবী কৰা মতে আক্ৰমণকাৰী ৰাছিয়ান বায়ুসেনাৰ প্ৰায় ৪০ খনকৈ যুদ্ধ বিমান ধ্বংস কৰা ইউক্ৰেইনৰ এই ‘Ghost of Kyiv’ খ্যাত পাইটলজনৰ মৃত্যু ঘটিছে৷
দ্য টাইমছে অৱ লণ্ডনৰ মতে ‘Ghost of Kyiv’ হিচাপে চৰ্চিত ইউক্ৰেইন বায়ুসেনাৰ মেজৰ ২৯ বছৰীয়া ষ্টিফেন তাৰাবল্কাক পৰাক্ৰমেৰে আক্ৰমণকাৰী তথা সামৰিক শক্তিধৰ ৰাছিয়াৰ ৪০ খন যুদ্ধ বিমান ধ্বংস কৰাৰ বাবে মৰণোত্তৰভাৱে ইউক্ৰেইনৰ সৰ্বোচ্চ সন্মান ‘হিৰ’ অৱ ইউক্ৰেইন’ও প্ৰদান কৰা হৈছে৷
লগতে পঢ়ক মাটিৰ পাত্ৰত গৰম চাহ খোৱাৰ উপকাৰিতা
প্ৰকাশিত খবৰ মতে ‘Ghost of Kyiv’ খ্যাতি লাভ কৰা ষ্টিফেনে যুদ্ধৰ প্ৰথম দিনাই ১০ খন ৰাছিয়ান যুদ্ধ বিমান ধ্বংস কৰিছিল৷ দেশখনৰ এখন সৰু গাঁও কোৰোলিভকাত জন্ম লাভ কৰা ষ্টিফেনে সৰুৰে পৰা পাইলট হোৱাৰ সপোন দেখিছিল আৰু ইউক্ৰেইনৰ বায়ুসেনাৰ পাইলট হিচাপে যোগদান কৰি সেই সপোন পূৰণ কৰিছিল৷
অতি সাহসী আৰু দক্ষ ২৯ বছৰীয়া ষ্টিফেনে মিগ-২৯ যুঁজাৰু বিমান উৰুৱাই যুদ্ধৰ প্ৰথম দিনাই শত্ৰু পক্ষৰ ১০ খনকৈ যুদ্ধবিমান ধ্বংস কৰি চৰ্চালৈ আহে৷ ইয়াৰ পিছতো যুদ্ধত ষ্টিফেনে নিজৰ পৰাক্ৰম অব্যাহত ৰাখি ৰুছ বাহিনীক ত্ৰিভূৱন দেখুওৱাই মুঠ ৪০ খন ৰুছ যুদ্ধ বিমান ধ্বংস কৰে৷ ষ্টিফেনৰ এই সাহস আৰু পৰাক্ৰমে ইউক্ৰেইনৰ বায়ুসেনাৰ অন্য পাইলটসকলকো ৰাছিয়াক প্ৰতাক্ৰমণ কৰিবলৈ উৎসাহিত কৰি তুলিছিল৷
লগতে পঢ়ক ADULT FILMত অভিনয় কৰি হাতে-লোটে ধৰা পৰিল উৰ্ফি জাভেদ
প্ৰায় অকলে ৰাছিয়ান বাহিনীৰ নিদ্ৰা হৰণ কৰা এই যুঁজাৰু পাইলটগৰাকীক সেয়ে ইউক্ৰেইনৰ ‘Ghost of Kyiv’ বুলি বিভূষিত কৰা হৈছিল৷ দ্য টাইমছে অৱ লণ্ডনৰ প্ৰতিবেদনৰ মতে যোৱা ১৩ মাৰ্চত ষ্টিফেনে মিগ-২৯ যুদ্ধ বিমানেৰে ৰুছ যুদ্ধ বিমান ধ্বংস কৰিবলৈ যোৱাৰ সময়েত শত্ৰু পক্ষই তেওঁক আগুৰি ধৰি তেওঁৰ বিমানক আক্ৰমণ কৰিছিল৷
ৰাছিয়ান বায়ুসেনাৰ চক্ৰবেহুত অৱদ্ধ হৈ অৱশেষত ইউক্ৰেইনৰ এইগৰাকী বীৰ সৈনিক ‘Ghost of Kyiv’ৰ মৃত্যু ঘটে৷
প্ৰতিবেদনৰ মতে ষ্টিফেনে ছহিদী বৰণ কৰাৰ পিছতে ইউক্ৰেইনৰ সৰ্বোচ্চ সন্মান ‘হিৰ’ অৱ ইউক্ৰেইন’ উপাধি প্ৰদান কৰাৰ লগতে সৰ্বোচ্চ সাহকিতাৰ পুৰস্কাৰ ‘গ’ল্ডেন ষ্টাৰে’ৰে মৰণোত্তৰভাৱে সন্মানিত কৰা হৈছে৷ ইফালে ষ্টিফেনে যুদ্ধত ব্যৱহাৰ কৰা হেলমেট আৰু চশমা লণ্ডনত নিলামৰ বাবে ৰখা হ’ব।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
