ভাৰতত শাহু-বোৱাৰী ৰণক এক পৰম্পৰাগত কাজিয়া বুলি ক’লেও অত্যুক্তি কৰা নহ’ব৷ শাহু-বোৱাৰীৰ ৰণে ভাৰতীয় সমাজ ব্যৱস্থাত বিশেষ ভূমিকা গ্ৰহণ কৰি আহিছে৷
ইফালে ভাৰতীয় পৰিয়ালবোৰত টিভিৰ ধাৰাবাহিকৰো বিপুল চাহিদা আছে৷ টিভিৰ ধাৰাবাহিকে ভাৰতীয় একাংশ গৃহিণী অৰ্থাৎ বোৱাৰী আৰু শাহুৱেকৰ জীৱনকে আগুৰি থাকে বুলিব পাৰি৷ এই ধাৰাবাহিকবোৰে বহু শাহু-বোৱাৰীৰ কাজিয়াৰো উৎস হৈ আহিছে৷
ঠিক তেনেকৈ সৃষ্ট এক শাহু-বোৱাৰীৰ কাজিয়াই মাত্ৰা চৰি যোৱাত এইবাৰ সংবাদ মাধ্যমৰ বাতৰিৰ শিৰোণাম দখল কৰিছে৷ আনকি ঘটনাই আৰক্ষীৰ থানাতো পালেগৈ৷ ঘটনাটো মহাৰাষ্ট্ৰৰ থানে জিলাৰ অম্বেৰনাথৰ৷
প্ৰকাশিত বাতৰি অনুসৰি ৩২ বছৰীয়া এগৰাকী বোৱাৰীয়েকে টিভিটো বন্ধ কৰি দিয়াৰ বাবেই শাহুৱেকৰ হাতৰ তিনিটা আঙুলিত কামুৰি দিয়ে৷ শাহুৱেকৰ হাতৰ আঙুলিত কামুৰি দিয়াই নহয় নিজৰ স্বামীকো পত্নীগৰাকীয়ে গালত প্ৰচণ্ড চৰ শোধায়৷
লগতে পঢ়ক সংবাদ শিৰোণাম দখলৰ বাবেই কৰিছিল ছিৰিয়েল কিলিং! স্মাৰকৰ বাবে সংগ্ৰহ কৰিছিল অন্তৰ্বাস
শিৱাজী নগৰ আৰক্ষীয়ে প্ৰকাশ কৰা অনুসৰি ব্ৰুশালী কুলকৰ্ণী (৬০) নামৰ বৃদ্ধাগৰাকীয়ে ভজন গাই থকাৰ সময়ত বোৱাৰীয়েক টিভিটোৰ ছাউণ্ড কমাবলৈ কৈ আছিল যদিও বোৱাৰীয়েকে ছাউণ্ড কম নকৰাত শাহুৱেকে গৈ টিভিটোকে বন্ধ কৰি দিয়ে৷
শাহুৱেকৰ এই কাণ্ডত ক্ষুব্ধ হৈ বোৱাৰীয়েকে শাহুৱেকৰ হাতৰ আঙুলিতে কামুৰি দিয়ে৷ যাৰ ফলত শাহুৱেকে এখন হাত গুৰুতৰভাৱে আঘাতপ্ৰাপ্ত হয়৷ ইফালে মাতৃ আৰু পত্নীৰ কাজিয়া নিয়ন্ত্ৰণ কৰিবলৈ যোৱা স্বামীৰো গালত প্ৰচণ্ড চৰ শোধাই পত্নীয়ে৷
আৰক্ষী বিষয়াগৰাকীয়ে জানিবলৈ দিয়া মতে, ভুক্তভোগীৰ আঙুলি তিনিটা হাতৰ পৰা বিচ্ছিন্ন হোৱা নাই যদিও আঘাত অতি গুৰুতৰ৷ ইফালে আৰক্ষীয়ে অভিযুক্ত বোৱাৰীয়েকৰ বিৰুদ্ধে শাহুৱেকে আৰক্ষীৰ থানাত অভিযোগ দাখিল কৰাৰ পাছতে ব্যৱস্থা গ্ৰহণ কৰিছে৷
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
