লেটিন আমেৰিকান দেশ ব্ৰাজিলত এগৰাকী ১৯ বছৰীয়া যুৱতীয়ে এহাল যমজ সন্তান জন্ম দিছে। যুৱতীগৰাকীয়ে এহাল যমজ সন্তান জন্ম দিয়াটো নিশ্চয়কৈ একো বিশেষ তাৎপৰ্যপূৰ্ণ ঘটনা নহয়৷ কিন্তু এই ঘটনাৰ অতি আশ্চৰ্যজনক কথাটো হ’ল দুয়োটা সন্তানৰে পিতৃ হৈছে দুজন পৃথক পুৰুষ৷
যুৱতীগৰাকীৰ যমজ সন্তানৰ পিতৃ দুজন পৃথক পুৰুষ বুলি প্ৰকাশ পোৱাৰ পাছতেই চিকিৎসা বিজ্ঞানত এনে ঘটনাক যথেষ্ট বিৰল বুলি গণ্য হৈছে৷
যুৱতীগৰাকীৰ পৰিয়ালৰ লোকে পূৰ্বেই জানিছিল যে যমজ সন্তানহালৰ পিতৃ একেজন ব্যক্তিহে। কিন্তু, দুই শিশুৰ বয়স ৮ মাহ অতিক্ৰম কৰাৰ পাছতে কৰা শিশু দুটিৰ ডিএনএ পৰীক্ষাই প্ৰকৃত সত্য উন্মোচন কৰিলে।
লগতে পঢ়ক OMG! তিহাৰ জে’লৰ কয়দীয়ে পেটৰ ভিতৰত নিছিল দুটাকৈ মোবাইল৷ তাৰ পিছত ঘটিল এই ঘটনা…
পৰীক্ষাত দেখা গ’ল যে ইয়াৰে এটি শিশুৰ ডিএনএ তেওঁৰ পিতৃৰ ডিএনএৰ সাদৃশ্য আছে যদিও অন্য এটি শিশুৰ ডিএনএ পিতৃৰ ডিএনএৰ সৈতে সাদৃশ্য নাই৷ অৱশ্যে দেখাত দুয়োটা সন্তানৰ মাজত বহু সাদৃশ্য আছে।
ডিএনএৰ পৰীক্ষাৰ ফলাফল ৰাজহুৱা হোৱাৰ পিছতে যমজ সন্তানহালৰ মাতৃয়ে প্ৰকাশ কৰিছে যে দুয়োটা সন্তানৰ পিতৃ একেজন পুৰুষ নহয়৷ ব্ৰাজিলৰ স্থানীয় সংবাদ মাধ্যমত নাম তথা পৰিচয় গোপনে ৰখা দুই যমজ সন্তানৰ মাতৃগৰাকীয়ে প্ৰকাশ কৰা মতে তেওঁ একেদিনাই দুজন পুৰুষৰ সৈতে যৌন সম্পৰ্ক স্থাপন কৰিছিল৷
ব্ৰাজিলৰ সংবাদ মাধ্যমৰ বাতৰি অনুসৰি, এই ঘটনাটো গ’য়াছ প্ৰভিন্সৰ সৰু চহৰ মিনেইৰ’ছৰ। যমজ সন্তানৰ মাতৃয়ে প্ৰকাশ কৰা মতে কেইঘণ্টামানৰ ব্যৱধানত তেওঁ দুজন পুৰুষৰ সৈতে যৌন সম্পৰ্ক স্থাপন কৰিছিল। আৰু সেয়ে তেওঁ যমজ সন্তান হালৰ ডিএনএ টেষ্ট কৰাৰ সিদ্ধান্ত লয়।
লগতে পঢ়ক এক ফুল দু প্ৰেমী! একেগৰাকী মহিলা আৰক্ষীৰে প্ৰেমত পৰি দুই আৰক্ষীৰ তয়াময়া ৰণ!
এটা সন্তানৰ ডিএনএ তেওঁৰ প্ৰেমিকৰ ডিএনএৰ সৈতে সাদৃশ্য থকাত তেওঁ আচৰতি হৈ পৰিছে৷ তেওঁ প্ৰকাশ কৰা মতে দেখাত প্ৰায় অবিকল যমজ সন্তানহালৰ ডিএনএ যে পৃথক হ’ব সেয়া তেওঁৰ বাবে অবিশ্বাস্য আছিল৷
‘‘দুয়োটা সন্তান দেখাত ইমান সাদৃশ্য থকাৰ পিছতো দুয়োৰে ডিএনএ পৃথক হ’ব বুলি মই ভাবিবই পৰা নাছিলো৷ দুয়োটা সন্তানৰ পিতৃৰ নাম এতিয়াও এজন লোকৰ নামতে পঞ্জীভুক্ত হৈ আছে৷ এতিয়া ডিএনএ পৰীক্ষাৰ ভিত্তিত তেওঁলোকৰ প্ৰকৃত পিতৃৰ নাম লিপিৱদ্ধ কৰাৰ প্ৰয়াস কৰা হ’ব৷’’ ব্ৰাজিলৰ স্থানীয় সংবাদ মাধ্যমত এইদৰে কয় যমজ সন্তানহালৰ মাতৃয়ে৷
ইফালে মাতৃগৰাকীয়ে প্ৰকাশ কৰা মতে তেওঁৰ যমজ সন্তানহালৰ দায়িত্ব তেওঁৰ প্ৰেমিকে লৈ আহিছে৷ আনকি যুৱতীগৰাকীৰ প্ৰেমিকে এটি সন্তানৰ পিতৃ নহয় বুলি জনাৰ পিছতো দুয়োটা সন্তানৰে দায়িত্ব সঠিকভাৱে পালন কৰি আছে৷ তেওঁ কোনো অসন্তুষ্টি প্ৰকাশ কৰা নাই বুলিও সদৰী কৰিছে মাতৃগৰাকীয়ে৷
লগতে পঢ়ক শাহুৱেকে কৰিলে টিভি বন্ধ, বোৱাৰীয়েকে কামুৰিলে শাহুৱেকৰ আঙুলি, স্বামীৰ গালতো প্ৰচণ্ড চৰ
‘‘এতিয়াও দুয়োটা সন্তানকে সি চোৱা-চিতা কৰে। তেওঁ মোক বহুত সহায় কৰে। মোক যি লাগে, তেওঁ সেই সকলোবোৰ পূৰণ কৰে।’’ মাতৃগৰাকীয়ে দ্বিতীয় সন্তানৰ পিতৃৰ বিষয়ে কোনো তথ্য প্ৰকাশ নকৰি প্ৰেমিকৰ বিষয়ে এইদৰে কয়৷
এই ঘটনা পোহৰলৈ অহাৰ পাছতে অস্বাভাৱিক গৰ্ভাৱস্থাৰ আৰ্হি অধ্যয়ন কৰা চিকিৎসক ডাঃ টুলিঅ’ জৰ্জ ফ্ৰাংকোৱে কয় যে এনে এটা পৰিঘটনাক চিকিৎসা বিজ্ঞানৰ ভাষাত হেটেৰ’পেৰেণ্টেল ছুপাৰফেকণ্ডেচন বুলি কোৱা হয়। তেওঁ লগতে কয় যে সমগ্ৰ বিশ্বতে এতিয়ালৈকে মাত্ৰ ২০ টা হেটেৰ’পেৰেণ্টেল ছুপাৰফেকাণ্ডেচনৰ বিষয়ে জনা গৈছে।
যমজ সন্তান হালৰ বিষয়ে তেওঁ আৰু কয় যে কোনো ধৰণৰ জটিলতা নোহোৱাকৈ অতি স্বাভাৱিকভাৱে গৰ্ভধাৰণ হৈছিল। দুয়োটি শিশুৱে জন্মতে সুস্থই আছিল আৰু জন্মৰ পিছতো কেতিয়াও কোনো ধৰণৰ স্বাস্থ্যজনিত সমস্যাৰ সৃষ্টি হোৱা নাছিল। ই অত্যন্ত বিৰল ঘটনা।
‘‘মই কেতিয়াও ভবা নাছিলো যে মই মোৰ জীৱনত এনেকুৱা এটা কেচ দেখিম’’ বুলি কৈ চিকিৎসকগৰাকীয়ে লগতে কয় যে এনে ঘটনা লাখত মাত্ৰ এটাহে ঘটে।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
