সৰুতে ৰঙীন মিঠা সোৱাদযুক্ত চ্যুইংগাম চোবাই কোনে ডাঙৰ বেলুনটো উৰুৱাই দিব পাৰে তাৰ প্ৰতিযোগিতা চলিছিল। ডাঙৰ হোৱাৰ পিছতো বহুতৰে চ্যুইংগামেৰে বেলুন উৰুৱাই দিয়াৰ অভ্যাস আছে।
কিন্তু, আপুনি কেতিয়াবা বাৰু কল্পনা কৰিব পাৰিছিল নে যে ই কোনো ব্যক্তিৰ জীৱনৰ পেচাও হ’ব পাৰে? অথবা এই কাম কৰি মাহিলী হাজাৰ হাজাৰ টকা উপাৰ্জন কৰিব পাৰিব!
অবিশ্বাস্য হ’লেও সত্য যে এগৰাকী যুৱতীয়ে চ্যুইংগামেৰে বেলুন ফুলাই মাহে প্ৰায় ৭০০ ডলাৰ উপাৰ্জন কৰে। ভাৰতীয় ধনৰ হিতাপত ইয়াৰ মূল্য প্ৰায় ৬৭ হাজাৰ টকা।
লগতে পঢ়ক ভাইৰেল শিশুৰ ৰ’কডান্স ভিডিঅ’, চাইকেলৰ পৰা পৰি কেনেকৈ ৰ’কডান্স কৰিলে চাওক…
আচৰিত যেন লাগিলেও এই অসম্ভৱক সম্ভৱ কৰি তুলিছে জাৰ্মানীৰ বাসিন্দা ৩০ বছৰীয়া জুলিয়া ফ’ৰাটে।
চ্যুইংগামেৰে জিভাৰ সহায়ত মুখতকৈ ডাঙৰ বেলুন উৰুৱাই দিয়াত জুলিয়া পাকৈত। সেয়ে ইনষ্টাগ্ৰামত তেওঁৰ অনুৰাগীৰ সংখ্যাও কম নহয়। চ্যুইংগামেৰে বেলুন উৰুৱাই দিয়াৰ ভিডিঅ’ৰ পৰা প্ৰতিমাহে বহু টকা উপাৰ্জন কৰে জুলিয়াই।
জুলিয়াৰ একেলগে প্ৰায় ৩০ টুকুৰা চ্যুইংগাম চোবাই ডাঙৰ বেলুন এটা উৰুৱাই দিব পৰা ক্ষমতা আছে। ইয়াৰ উপৰিও তেওঁ মডেলিঙৰ সৈতেও জড়িত। অৱশ্যে জুলিয়াই কয় যে তেওঁ চ্যুইংগামৰ সহায়ত বেলুন উৰুৱাই দিয়া কামটোকে আটাইতকৈ বেছি ভাল পায়।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
