এগৰাকী শিক্ষকে দুই বন্ধুসহ এগৰাকী যুৱতীক দীৰ্ঘদিন ধৰ্ষণ কৰি অহাৰ তথ্য পোহৰলৈ আহিছে৷
ঘটনাটো ৰাজস্থানৰ৷ সমস্ত ঘটনাটো ভুক্তভোগী যুৱতীগৰাকীয়ে সামাজিক মাধ্যমত ভিডিঅ’ যোগেদি প্ৰকাশ কৰিছে৷ যুৱতীগৰাকীয়ে লগতে অভিযোগ কৰিছে যে শিক্ষকজনৰ ওপৰৰ মহলত বিশেষ প্ৰভাৱ থকাৰ বাবেই আৰক্ষীক গোচৰ দিয়াৰ পিছতো কোনো ব্যৱস্থা গ্ৰহণ কৰা নাই৷
বৰং এতিয়াও অভিযুক্তসকলে মুকলি আকাশৰ তলত মুক্ত বিচৰণ কৰি আছে৷ যুৱতীগৰাকীয়ে ভিডিঅ’টোৰ যোগেদি মুখ্যমন্ত্ৰী অশোক গেহলটক ন্যায় প্ৰদানৰ বাবেও আহ্বান জনাইছে৷
লগতে পঢ়ক কেন্দ্ৰৰ মতে হিন্দুসকলেও দেশত সংখ্যালঘুৰ মৰ্যাদা লাভ কৰিব পাৰে! কিন্তু কেনেকৈ?
যুৱতীগৰাকীয়ে প্ৰকাশ কৰা মতে ভাতৃৰ বিদ্যালয়ৰ মাচুল সংক্ৰান্তীয় কামত গোবিন্দ নামৰ শিক্ষকজনে তেওঁৰ ফোন নম্বৰ লাভ কৰে৷ ইয়াৰ পিছতে মাচুল সংক্ৰান্তীয় কিছুমান বিষয় নিষ্পত্তি কৰিবলৈ শিক্ষকজনে যুৱতীগৰাকীক বিদ্যালয়লৈ ফোন কৰি মাতে৷
যুৱতীগৰাকীক বিদ্যালয়ত উপস্থিত হোৱাৰ পিছতে শিক্ষকজনে তেওঁক এখন হোটেললৈ নি দুই বন্ধুক মাতি আনি তাতে ধৰ্ষণ কৰে৷ তেওঁলোকে ধৰ্ষণ কৰাৰ লগতে ভিডিঅ’ ৰেৰ্কডিঙো কৰে৷ ইয়াৰ পিছৰ পৰাই শিক্ষকজনে যুৱতীগৰাকীক ভিডিঅ’টো ভাইৰেল কৰাৰ ভাবুকিৰে ব্লেকমেইল কৰিবলৈ ধৰে৷ আনকি শিক্ষককজনে যুৱতীগৰাকীৰ পৰা ২০ লাখ টকাও দাবী কৰে৷
লগতে পঢ়ক জঘন্য! ৬৫ বছৰীয়া পুৰোহিতৰ ১৫ বছৰীয়া বিকলাংগ কিশোৰীক ৩ মাহ ধৰি ধৰ্ষণ
এই সমস্ত ঘটনা সন্দৰ্ভত যুৱতীগৰাকীয়ে যোৱা ১৪ ফেব্ৰুৱাৰিত আৰক্ষী থানাত অভিযোগ দাখিল কৰে যদিও প্ৰভাৱশালী ব্যক্তি হোৱাৰ বাবে শিক্ষকজনৰ লগতে অন্য দুই বন্ধুৰ বিৰুদ্ধে কোনো ব্যৱস্থা গ্ৰহণ নকৰাৰ অভিযোগ উত্থাপন কৰিছে৷
আনকি যোৱা ২২ মাৰ্চত যুৱতীগৰাকীয়ে আৰক্ষী অধীক্ষকৰ কাৰ্যালয়লৈ গৈ পুনৰ অভিযোগ দাখিল কৰে৷ ইয়াৰ পিছতো আৰক্ষীয়ে অভিযুক্তসকলৰ বিৰুদ্ধে কোনো ব্যৱস্থা গ্ৰহণ নকৰা অভিযোগ কৰিছে যুৱতীগৰাকীয়ে৷
আৰক্ষীয়ে কোনো অভিযুক্তৰ বিৰুদ্ধে কোনো ব্যৱস্থা গ্ৰহণ নকৰাৰ বাবেই অৱশেষত মুখ্যমন্ত্ৰী অশোক গেহলটৰ দৃষ্টিগোচৰ কৰিবলৈ যুৱতীগৰাকীয়ে সামাজিক মাধ্যমত এক ভিডিঅ’ আপলোড কৰে, য’ত তেওঁ সমস্ত ঘটনাটো বিৱৰি কোৱাৰ লগতে অভিযুক্তসকলক উচিত শাস্তি দিবলৈ মুখ্যমন্ত্ৰীক অনুৰোধ কৰিছে৷
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
