জম্ম আৰু কাশ্মীৰত সন্ত্ৰাসবাদীৰ জিঘাংসা এতিয়াও অব্যাহত আছে৷ কিছুদিন পূৰ্বে এজন কাশ্মীৰী পণ্ডিত গুলীয়াই হত্যা কৰাৰ বাতৰিৰ চাঞ্চল্যৰ মাৰ নৌযাওঁতে পুনৰ সন্ত্ৰাসবাদীয়ে এগৰাকী শিক্ষয়িত্ৰীক গুলীয়াই হত্যা কৰা খবৰ আহিছে৷
ঘটনাৰ বিৱৰণীৰ মতে কুলগাম জিলাৰ গোপালপোৰা অঞ্চলৰ বিদ্যালয়ৰ এগৰাকী শিক্ষয়িত্ৰীক উগ্ৰপন্থীয়ে গুলীয়াই হত্যা কৰিছে৷
মংগলবাৰে আৰক্ষীয়ে প্ৰকাশ কৰা অনুসৰি জম্মুৰ চাম্বাৰ বাসিন্দা ৰজিনী ভাল্লা নামৰ ৩৬ বছৰীয়া শিক্ষয়িত্ৰীগৰাকী সন্ত্ৰাসবাদীৰ গুলীত নিহত হয়৷
লগতে পঢ়ক শেষ পৰাজয়ো আসন্ন, বিজয়ৰ পথ আহিবনে?
ইপিনে, ঘটনাটো সংঘটিত হোৱা পিছতে অঞ্চলটোলৈ তৎকালীনভাৱে নিৰাপত্তা বাহিনী প্ৰেৰণ কৰা হৈছে।
এই হত্যাকাণ্ডৰ পিছতে নেচনেল কনফাৰেন্সৰ নেতা তথা জম্মু আৰু কাশ্মীৰৰ প্ৰাক্তন মুখ্যমন্ত্ৰী ওমৰ আব্দুল্লাই প্ৰতিক্ৰিয়া প্ৰকাশ কৰিছে৷
প্ৰাক্তন মুখ্যমন্ত্ৰীগৰাকীয়ে টুইটাৰত কয় যে, ‘‘ই অতি বেদনাদায়ক। নিৰস্ত্ৰ নাগৰিকসকলৰ ওপৰত হোৱা শেহতীয়া আক্ৰমণৰ এক দীঘলীয়া তালিকাত এইটো আন এটা লক্ষ্য কৰি লোৱা হত্যাকাণ্ড। পৰিস্থিতি স্বাভাৱিক নোহোৱালৈকে তেওঁলোকে বিশ্ৰাম নোলোৱাৰ লগতে নিন্দা আৰু শোকৰ শব্দ প্ৰকাশ কৰা চৰকাৰৰ আশ্বাসবোৰ ফোঁপোলা হৈ পৰিছে। মৃতব্যক্তিগৰাকীয়ে চিৰশান্তি লাভ কৰক।’’
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
