বিশ্বত এনে বহু ক্ষুদ্ৰ দেশ আছে যিবোৰ ভাৰতৰ কিছুমান গাঁৱতকৈ ক্ষুদ্ৰ৷ কেৱল ভৌগোলিকভাৱেই নহয় এই দেশসমূহ জনসংখ্যা ফালৰ পৰাও অতি ক্ষুদ্ৰতম৷ আজি আমি বিশ্বৰ তেনে কেইখনমান দেশৰ বিষয়ে ক’বলৈ আগবাঢ়িছো৷
এই তালিকাৰ শীৰ্ষত আছে ভেটিকান চিটি, যিখন দেশ বিশ্বৰ আটাইতকৈ ক্ষুদ্ৰ দেশ। মাত্ৰ ১১০ একৰ মাটিত বিস্তৃত এই দেশখনৰ জনসংখ্যা প্ৰায় ১০০০। ইয়াৰ পিছতো এই দেশখন সমগ্ৰ বিশ্বৰ খ্ৰীষ্টানসকলৰ বাবে আটাইতকৈ পবিত্ৰ চহৰ হিচাপে পৰিচিত। ভেটিকান চিটি অন্য বিশেষ কাৰণতো গুৰুত্বপূৰ্ণ৷ ঐতিহাসিকভাৱে মাইকেলেঞ্জেলো আৰু লিঅ’নাৰ্ডো দা ভিঞ্চিকে ধৰি বিশ্বৰ শ্ৰেষ্ঠ শিল্পীসকলৰ সৈতে জড়িত হৈ আছে এই ভেটিকান চিটি।
লগতে পঢ়ক পিৰিয়ড ক্ৰেম্প: কি কি ৭ টা অভ্যাস ঋতুস্ৰাৱৰ সময়ত এৰাই চলাটো ভাল?
বিশ্বৰ দ্বিতীয় সৰু দেশ মনাকোৰ মাটিকালি মাত্ৰ ৪৯৯ একৰ৷এই দেশৰ সৌন্দৰ্য দেখি আপুনি স্তম্ভিত হৈ পৰিব। ই মণ্টে কাৰ্লো কেচিনো আৰু গ্ৰেণ্ড প্ৰিক্স মটৰ ৰেচিং ইভেণ্টসমূহৰ বাবে বিশ্ববিখ্যাত।
তালিকাত অবিশ্বাস্যভাৱে তৃতীয় নম্বৰত আছে নাউৰু, যিখন পূৰ্বতে প্লেজেণ্ট আইলেণ্ড নামেৰে জনাজাত আছিল। ই অষ্ট্ৰেলিয়াৰ পূব দিশত অৱস্থিত। এই দেশৰ বৰ্তমান জনসংখ্যা প্ৰায় ১৩,০০০ জন। শান্তিপূৰ্ণ দেশখন অধিকাংশ পৰ্যটকৰ দৃষ্টিৰ পৰাও আঁতৰত আছে।
লগতে পঢ়ক সাগৰত উদ্ধাৰ তিমি মাছৰ বমি, যাৰ মূল্য ২৮ কোটি টকা! কিয় ইমান দাম এই বমিৰ?
ওচেনিয়াৰ এই আচৰিত দেশ টুভালু পলিনেছিয়া বিশ্বৰ চতুৰ্থ ক্ষুদ্ৰ দেশ। ই পূৰ্বতে এলিছ দ্বীপপুঞ্জ নামেৰে জনাজাত। এই দ্বীপটোৰ জনসংখ্যা প্ৰায় ১১০০০ গৰাকী। এই দেশখনো পৰ্যটকৰ ভ্ৰনণ তালিকাৰ বাহিৰত আছে৷
বিশ্বৰ পঞ্চমখন ক্ষুদ্ৰ ৰাষ্ট্ৰ হৈছে ছান মেৰিনো৷ ইয়াৰ আয়তন হৈছে মাত্ৰ ৬১.২ বৰ্গ কিলোমিটাৰ। দেশৰ জনসংখ্যা প্ৰায় ৩৩০০০ জন। ছান মেৰিনোৰ অৰ্থনীতি বহুলাংশে উদ্যোগ, সেৱা আৰু পৰ্যটনৰ ওপৰত নিৰ্ভৰশীল। ধুনীয়া দেশখনৰ প্ৰধান আকৰ্ষণ হ’ল ইয়াৰ শিলৰ শিখৰৰ প্ৰাসাদ, যিবোৰ দেখাত যাদুকৰী।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
