পৰৱৰ্তী বিশ্ব টেষ্ট চেম্পিয়নশ্বিপৰ সূচী ঘোষণা, ভাৰতীয় দলে কেতিয়া আৰু কাৰ বিৰুদ্ধে খেলিব?
দক্ষিণ আফ্ৰিকাই বিশ্ব টেষ্ট চেম্পিয়নশ্বিপ (ডব্লিউ টি চি) ২০২৩-২৫ খিতাপ জয় কৰাৰ এদিন পিছতে আন্তঃৰাষ্ট্ৰীয় ক্ৰিকেট পৰিষদে ঘোষণা কৰিছে ডব্লিউ টি চি ২০২৫-২৭ৰ সূচী। ইয়াত ৯টা দলৰ মাজত মুঠ ৭১খন খেল অনুষ্ঠিত হ’ব। ১৭ জুনৰ পৰা আৰম্ভ হ’ব এই খেল।
প্ৰথমখন খেল শ্ৰীলংকা আৰু বাংলাদেশৰ মাজত শ্ৰীলংকাৰ গালেত অনুষ্ঠিত হ’ব। সূচী অনুসৰি এইবাৰ অষ্ট্ৰেলিয়াই সৰ্বাধিক ২২খন খেল খেলিব, আনহাতে ইংলেণ্ডে ২১খন খেল খেলিব লাগিব। চলিত বৰ্ষৰ শেষৰ ফালে অনুষ্ঠিত হ’বলগীয়া এছেছ ছিৰিজৰ সময়ত দুয়োটা দলৰ মাজত মুখামুখি হ’ব।
আনহাতে টিম ইণ্ডিয়াই ২০ জুনৰ পৰা ইংলেণ্ডৰ বিৰুদ্ধে প্ৰথমখন টেষ্ট মেচৰ জৰিয়তে অভিযান আৰম্ভ কৰিব। এই মেচখন লিডছত অনুষ্ঠিত হ’ব।
শুভমন গিলৰ নেতৃত্বত টিম ইণ্ডিয়াই ডব্লিউ টি চি ২০২৫-২৭ৰ সময়ছোৱাত মুঠ ১৮খন টেষ্ট মেচ খেলিব। ২০ জুনৰ পৰা ইংলেণ্ডৰ বিৰুদ্ধে ৫ টেষ্ট শৃংখলাৰ আৰম্ভ হ’ব। ইয়াৰ পিছত টিম ইণ্ডিয়াই ঘৰুৱা ক্ষেত্ৰত ৱেষ্ট ইণ্ডিজ, দক্ষিণ আফ্ৰিকা আৰু অষ্ট্ৰেলিয়াৰ বিৰুদ্ধে টেষ্ট শৃংখলা খেলিব। ইয়াৰ উপৰিও শ্ৰীলংকা আৰু নিউজিলেণ্ড ভ্ৰমণলৈ গৈ টেষ্ট মেচ খেলিব।
ভাৰতীয় দলে কাৰ বিৰুদ্ধে কেইখন খেল খেলিব-
ইংলেণ্ড : ৫ খন মেচ
ৱেষ্ট ইণ্ডিজ: ২ খন মেচ
দক্ষিণ আফ্ৰিকা: ২খন মেচ
অষ্ট্ৰেলিয়া: ৫খন মেচ
শ্ৰীলংকাঃ ২ খন মেচ
নিউজিলেণ্ড: ২ খন মেচ
WTC 2023-25 ত ভাৰতীয় দলে তৃতীয় স্থানতে সন্তুষ্ট হ’বলগীয়া হয় যদিও এইবাৰ ইয়াৰ বেছিভাগ মেচ ঘৰুৱা, গতিকে যিকোনো মূল্যৰ বিনিময়ত পৰৱৰ্তী প্ৰতিযোগিতাত জয়ী হ’ব বিচাৰিব।
ডিফেণ্ডিং চেম্পিয়ন দক্ষিণ আফ্ৰিকাই অক্টোবৰৰ পৰা নিজৰ অভিযান আৰম্ভ কৰিব। পাকিস্তানত টেষ্ট শৃংখলা খেলিব, আনহাতে দক্ষিণ আফ্ৰিকাৰ অনুৰাগীসকলে আগ্ৰহেৰে অপেক্ষা কৰি আছে ২০২৬ চনৰ ছেপ্টেম্বৰ মাহৰ বাবে, যেতিয়া তেওঁলোকৰ দলটোৱে ঘৰুৱা ক্ষেত্ৰত অষ্ট্ৰেলিয়াৰ বিৰুদ্ধে তিনিখন টেষ্ট শৃংখলা খেলিব।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
