ছেপ্টেম্বৰত বছৰৰ অন্তিম চন্দ্ৰগ্ৰহণ, ভাৰতৰ পৰা দেখা যাব নে, কেতিয়া লাগিব গ্ৰহণ
সূৰ্যগ্ৰহণ আৰু চন্দ্ৰগ্ৰহণ এনে দুটা জ্যোতিৰ্বিজ্ঞানৰ ঘটনা, যিয়ে সমগ্ৰ বিশ্বৰ মানুহৰ দৃষ্টি আকৰ্ষণ কৰে। ক’ৰবাত বিজ্ঞানৰ দৃষ্টিকোণৰ পৰা আৰু ক’ৰবাত আধ্যাত্মিকতাৰ দৃষ্টিকোণৰ পৰা। ছেপ্টেম্বৰ মাহত হ’বলৈ গৈ আছে আৰু এটা গ্ৰহণ। চলিত বৰ্ষৰ দ্বিতীয় আৰু শেষ চন্দ্ৰগ্ৰহণ ১৭ ছেপ্টেম্বৰত সংঘটিত হ’ব। এয়া হ’ব আংশিক চন্দ্ৰগ্ৰহণ।
১৭ ছেপ্টেম্বৰত সংঘটিত হ’ব আংশিক চন্দ্ৰগ্ৰহণ। বহু ঠাইত ১৮ ছেপ্টেম্বৰতো দেখা যায়। ভাৰতীয় সময় অনুসৰি পুৱা ৬.১১ বজাৰ পৰা আৰম্ভ হ’ব চন্দ্ৰগ্ৰহণ।
যি মুহূৰ্তত গ্ৰহণ আৰম্ভ হ’ব, সেই মুহূৰ্তত ভাৰতত ৰাতিপুৱা হ’ব। ইয়াৰ বাবেই ভাৰতত চন্দ্ৰগ্ৰহণ দেখা নাযায়। তথ্য অনুসৰি উত্তৰ আমেৰিকা, দক্ষিণ আমেৰিকা, ইউৰোপ, আফ্ৰিকাৰ কিছু অংশৰ লগতে এছিয়া আৰু ৰাছিয়াৰ পশ্চিম অঞ্চল আৰু এন্টাৰ্কটিকাৰ কিছু অঞ্চলত এই আংশিক চন্দ্ৰগ্ৰহণ দেখা যাব।
ভাৰতত এই গ্ৰহণ দেখা নাযায় যাৰ বাবে ইয়াৰ প্ৰভাৱো ভাৰতত নপৰে, কিন্তু যদি জ্যোতিৰ্বিজ্ঞানৰ পৰিঘটনাৰ ফালৰ পৰা চোৱা যায় তেন্তে চন্দ্ৰগ্ৰহণ গুৰুত্বপূৰ্ণ। ভাৰতীয় সময় অনুসৰি ১৮ ছেপ্টেম্বৰৰ পুৱা ৬:১১ বজাৰ পৰা গ্ৰহণ আৰম্ভ হ’ব। সময় আৰু তাৰিখ অনুসৰি ইয়াৰ সৰ্বোচ্চ প্ৰভাৱ পুৱা ৮.১৪ বজাত দেখা যাব। পুৱা ১০:১৭ বজাত শেষ হ’ব গ্ৰহণ।
২০২৪ চনৰ প্ৰথম চন্দ্ৰগ্ৰহণ ২৫ মাৰ্চত দেখা গৈছিল। ই আছিল এক পেনুমব্ৰেল চন্দ্ৰগ্ৰহণ। এনেধৰণৰ গ্ৰহণত চন্দ্ৰই পৃথিৱীৰ ছাঁৰ বাহিৰৰ অঞ্চল এটাৰ মাজেৰে পাৰ হৈ যায় যাক পেনুম্ব্ৰা বুলি কোৱা হয়। ইউৰোপ, অষ্ট্ৰেলিয়া, আফ্ৰিকা, উত্তৰ-পূব এছিয়া, উত্তৰ আমেৰিকা, দক্ষিণ আমেৰিকা আদিত এই চন্দ্ৰগ্ৰহণ দেখা গৈছিল।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
