কেন্দ্ৰৰ ডাঙৰ ঘোষণা, আয়ুষ্মান ভাৰত আঁচনিৰ অধীনত ৭০ বছৰৰ ওপৰৰ নাগৰিকে পাব বীমা কভাৰ
বুধবাৰে জ্যেষ্ঠ নাগৰিকৰ বাবে এক বৃহৎ ঘোষণা কেন্দ্ৰীয় চৰকাৰৰ ফালৰ পৰা। মোদী চৰকাৰৰ ফালৰ পৰা জনোৱা মতে, এতিয়া জ্যেষ্ঠ নাগৰিকক ‘আয়ুষ্মান ভাৰত প্ৰধানমন্ত্ৰী জন আৰোগ্য যোজনা’ৰ অধীনত বীমা কভাৰ দিয়া হ’ব। এই আঁচনিৰ অধীনত প্ৰায় ৪.৫ কোটি পৰিয়াল সামৰি লোৱা হ’ব।
কেন্দ্ৰীয় মন্ত্ৰী অশ্বিনী বৈষ্ণৱে সদৰি কৰে এই কথা। যাৰ ভিতৰত আছে ছয় কোটি জ্যেষ্ঠ নাগৰিক। প্ৰধানমন্ত্ৰী জন আৰোগ্য যোজনাৰ অধীনত আয়ুষ্মান ভাৰতে ৭০ বছৰ আৰু তাতকৈ অধিক বয়সৰ জ্যেষ্ঠ নাগৰিকক নতুন কাৰ্ড প্ৰদান কৰিব। এই আঁচনিৰ অধীনত ৭০ বছৰ বা তাতকৈ অধিক বয়সৰ আৰু ইতিমধ্যে আঁচনিৰ অধীনত সামৰি লোৱা পৰিয়ালৰ অন্তৰ্গত জ্যেষ্ঠ নাগৰিকে বছৰি পাঁচ লাখ টকা পৰ্যন্ত অতিৰিক্ত বীমা কভাৰ লাভ কৰিব।
https://x.com/MIB_India/status/1833875175366139987
আয়ুষ্মান ভাৰত বিশ্বৰ সৰ্ববৃহৎ বীমা আঁচনি। ইয়াৰ অধীনত বৰ্তমানে আটাইতকৈ দৰিদ্ৰ ৪০ শতাংশ লোকক বছৰি ৫ লাখ টকা পৰ্যন্ত কভাৰ প্ৰদান কৰা হয়। এতিয়া এই আঁচনিৰ জৰিয়তে কেৱল ৭০ বছৰ আৰু তাতকৈ অধিক বয়সৰ নাগৰিকক সামৰি লোৱাই নহয়, বৰঞ্চ দৰিদ্ৰ ৰোগীৰ কভাৰেজ ১০ লাখ টকালৈ বৃদ্ধি কৰা হ’ব।
কেন্দ্ৰীয় মন্ত্ৰী বৈষ্ণৱে কয় যে ৫ লাখ টকাৰ বীমা কভাৰেজ একেটা পৰিয়ালৰ জ্যেষ্ঠ নাগৰিকৰ মাজত ভাগ কৰা হ’ব। এটা পৰিয়ালত যদি দুজন জ্যেষ্ঠ নাগৰিক থাকে তেন্তে ৫ লাখ টকাৰ কভাৰেজ দুয়োৰে মাজত ভাগ কৰা হ’ব।
লগতে ইয়াকো কয় যে, যিসকলক ইতিমধ্যে চিজিএইচএছ, ইচিআইচিৰ দৰে চৰকাৰী আঁচনিৰ অধীনত সামৰি লোৱা হৈছে তেওঁলোকে বৰ্তমানৰ আঁচনিখন আগবঢ়াই নিব পাৰে নাইবা আয়ুষ্মান ভাৰত আঁচনিলৈ সলনি কৰিব পাৰে। এই আঁচনিখন শীঘ্ৰে কাৰ্যকৰী হ’ব।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
