বাজেটত কৃষকসকলৰ বাবে ডাঙৰ উপহাৰ আনিছে বিত্তমন্ত্ৰী নিৰ্মলা সীতাৰমণে৷ কিষাণ ক্ৰেডিট কাৰ্ডৰ আওঁতাত প্ৰদত্ত ঋণৰ সীমা ৩ লাখ টকাৰ পৰা বঢ়াই ৫লাখ টকা কৰা হৈছে৷ চৰকাৰৰ এই সিদ্ধান্তই দেশৰ কোটি কোটি কৃষকক উপকৃত কৰিব৷ শুকুৰবাৰে সংসদত উপস্থাপিত ২০২৪-২০২৫ চনৰ অৰ্থনৈতিক সমীক্ষাত কোৱা হৈছে যে, ২০২৪ চনৰ মাৰ্চ পৰ্যন্ত দেশত কিষাণ ক্ৰেডিট কাৰ্ডৰ সংখ্যা আছিল ৭.৭৫ কোটি৷ কে চিচিৰ আওঁতাত কৃষকসকলৰ ৯.৮১ লাখ কোটি টকাৰ ঋণ দিয়া হৈছে৷
কিষাণ ক্ৰেডিট কাৰ্ড প্ৰকল্প ১৯৯৮ চনত আৰম্ভ হৈছিল৷ এই প্ৰকল্প নাবাৰ্ড( নেশ্ব্যনেল বেংক ফল এগ্ৰিকালচাৰ এণ্ড ৰুৰেল ডেভেলপমেণ্ট)ৰ অধীনত বাস্তবায়িত হৈছিল৷ কিষাণ ক্ৰেডিট কাৰ্ডত কৃষকসকলৰ বাবে ঋণ প্ৰক্ৰিয়াটোত সহজ আৰু সহজলভ্য কৰি তুলিছে, যাৰ জৰিয়তে তেওঁলোকে সময়মতে বীজ, সাৰ, কীটনাশক আৰু অন্যান্য কৃষি সৰঞ্জাম কিনিবলৈ সক্ষম হৈছে৷ কৃষকসকলক আৰ্থিকভাৱে সহায় প্ৰদান আৰু কৃষিকাজ সংক্ৰান্তিয় খৰচ সহজেই দূৰ কৰিবলৈ কিষাণ ক্ৰেডিট কাৰ্ডে গুৰুত্বপূৰ্ণ ভূমিকা পালন কৰিছে৷
ঋণ পৰিসেৱা আৰু কিষাণ ক্ৰেডিট কাৰ্ডৰ সুদ
কিষাণ ক্ৰেডিট কাৰ্ডৰ আওঁতাত বৰ্তমান কৃষকসকলে ৩লাখ টকা পৰ্যন্ত ঋণ দিয়া হয় যি এতিয়াৰ বাজেটত ৫ লাখ টকা কৰা হৈছে৷ কেচিচিৰ সুদৰ হাৰ বাৰ্ষিক ৭শতাংশ৷ চৰকাৰে কৃষকসকলৰ সুবিধাৰ বাবে সুদৰ ওপৰতো কিছু ৰেহাই দিছে৷ কৃষকসকলে সময়মতে ঋণ পৰিশোধ কৰিলে ৩শতাংশ সুদৰ ওপৰত ৰেহাই পাব৷ অৰ্থাৎ কিষাণ ক্ৰেডিট কাৰ্ডৰ কাৰ্যকৰী সুদৰ হাৰ মাত্ৰ ৪শতাংশ৷
কিষাণ ক্ৰেডিট কাৰ্ডত ঋণ লাভৰ যোগ্য কোন কোন?
কৃষি কামৰ ওপৰিও মৎস্য, দুগ্ধ পালন, পশুপালন আরু উদ্যানপালনত নিযুক্তসকলেও কিষাণ ক্ৰেডিট কাৰ্ড প্ৰকল্পৰ সুবিধা পায়৷ ইয়াৰ বাবে কিছু প্ৰয়োজনীয় যোগ্যতাৰ মানদণ্ড নিৰ্ধাৰণ কৰা হৈছে৷ যেনে ভাৰতীয় নাগৰিক হোৱা আৰু কৃষকৰ বয়স ১৮ৰ পৰা ৭৫ বছৰৰ মাজত হ’ব লাগিব৷
কিষাণ ক্ৰেডিট কাৰ্ড কেনেকৈ দিয়া হয়?
কিষাণ ক্ৰেডিট কাৰ্ড পোৱাৰ প্ৰক্ৰিয়া সহজ৷ কৃষকে চৰকাৰী আৰু বেচৰকাৰী বেংক, গ্ৰামীণ বেংক আৰু সমবায় সমিতিৰ পৰা এই কাৰ্ড পাব পাৰে৷ কিষাণ ক্ৰেডিট কাৰ্ড অফলাইন আৰু অনলাইন উভয়ভাৱেই আৱেদন কৰিবলৈ যাব পাৰে৷ কৃষকে তেওঁলোকৰ নিকটতম বেংক শাখাত গৈ কিষাণ ক্ৰেডিট কাৰ্ডৰ বাবে আবেদনপত্ৰ পূৰণ কৰিব পাৰে৷ আবেদনৰ সৈতে আধাৰ কাৰ্ড, পান কাৰ্ড, মাটিৰ কাগজপত্ৰ আৰু পাছপোৰ্ট ছাইজৰ ছবিসহ প্ৰয়োজনীয় নথি জমা দিব লাগে৷
ঋণ পৰিসেৱা(অনলাইন আবেদন প্ৰক্ৰিয়া)
কৃষকে প্ৰধানমন্ত্ৰী কিষাণ যোজনাৰ ৱেবচাইট অথৱা সংশ্লিষ্ট বেংকৰ ৱেবচাইটৰ মাধ্যমেৰে অনলাইন ঋণৰ আবেদন কৰিব পাৰে৷ ইয়াত ষ্টেট বেংক অফ ইণ্ডিয়াৰ পৰা কিষাণ ক্ৰেডিট কাৰ্ড পোৱাৰ অনলাইন ফৰ্ম পূৰণৰ প্ৰক্ৰিয়াটো বুজি লওক সহজেই৷
- SBIৰ অফিচিয়েল ৱেবচাইট https://sbi.co.in/web/personal-banking/home লৈ যাওক৷
- তাৰপাছতেই কৃষি আৰু গ্ৰামীণ টেবলৈ যাওক৷
- ফচল ঋণলৈ যাওক আৰু কিষাণ ক্ৰেডিট কাৰ্ড বিকল্পটো নিৰ্বাচন কৰক৷
- ইয়াত আপুনি আবেদনপত্ৰ পাব৷ সেয়া ডাউনলোড কৰক, পূৰণ কৰক আৰু জমা দিয়ক৷
- ৩-৪ দিনৰ ভিতৰত বেংকে নিজেই আপোনাৰ সৈতে যোগাযোগ কৰিব আৰু কিষাণ ক্ৰেডিট কাৰ্ড তৈয়াৰৰ প্ৰক্ৰিয়া আৰম্ভ কৰিব৷
কেতিয়া এই ধন উভতাই দিব?
কিষাণ ক্ৰেডিট কাৰ্ডৰ অধীনত কৃষকক পাঁচ বছৰৰ বাবে ঋণ দিয়া হয়৷ পাঁচ বছৰ পাছত সেয়া নবীকৰণ কৰা হয়৷ কৃষকে বছৰি দুবাৰ কিষাণ কাৰ্ডৰ সুদ দিব লাগে৷ বছৰত এবাৰ তেওঁক সুদৰ সৈতে পুৰা ঋণৰ পৰিমাণ জমা দিয়াৰ পাছতেই কৃষকে সুদৰ ওপৰত ৰেহাই পাব৷ যদি সুদ জমা নিদিয়ে তেন্তে সংশ্লিষ্ট কৃষকে ৭শতাংশ হাৰত সুদ দিব লাগিব৷ যদি সময়মতে সুদ পৰিশোধ নকৰে তেন্তে একাউণ্টটো এন পি এও হ’ব পাৰে৷
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
