উত্তৰ প্ৰদেশত কংগ্ৰেছ নেতা কানহাইয়া কুমাৰৰ ওপৰত সংঘটিত হৈছে এক আক্ৰমণ৷
মংগলবাৰে উত্তৰ প্ৰদেশ কংগ্ৰেছ কমিটিৰ কাৰ্যালয়ৰ সন্মুখতে সংঘটিত হৈছে এই আক্ৰমণ৷
কংগ্ৰেছৰ দলীয় সূত্ৰই প্ৰকাশ কৰা অনুসৰি উত্তৰ প্ৰদেশ কংগ্ৰেছৰ ‘যুৱ সংসদ’-এ আয়োজন কৰাৰ এক অনুষ্ঠানতে এই আক্ৰমণৰ ঘটনা সংঘটিত হয়৷
কংগ্ৰেছৰ দলীয় সূত্ৰই দাবী কৰা অনুসৰি এগৰাকী দুৰ্বৃত্তই কানহাইয়া কুমাৰলৈ লক্ষ্য কৰি ৰাসায়নিক দ্ৰৱ্য নিক্ষেপ কৰে৷
ঘটনাস্থলীত এক উত্তপ্ত পৰিস্থিতিৰ সৃষ্টি হোৱাৰ পূৰ্বে উত্তৰ প্ৰদেশ কংগ্ৰেছ কাৰ্যালয়ৰ পিয়নে দুৰ্বৃত্তগৰাকীক কৰায়ত্ত কৰে৷
আক্ৰমণ সংঘটিত কৰা যুৱকগৰাকী দেৱাংশ বাজপেয়ী বুলি চিনাক্ত কৰা হৈছে৷
ইফালে সংবাদ মাধ্যমত প্ৰকাশিত খবৰ অনুসৰি ধৃত যুৱকজনে কংগ্ৰেছ নেতা কানহাইয়া কুমাৰলৈ চিঞাহীহে নিক্ষেপ কৰিছিল৷
আনহাতে এই আক্ৰমণত কংগ্ৰেছ নেতা কানহাইয়া কুমাৰৰ কোনো ক্ষতিক্ষতি হোৱা নাই৷
উত্তৰ প্ৰদেশৰ সমাগত বিধানসভা নিৰ্বাচনৰ সময়তে সংঘটিত এই আক্ৰমণে ৰাজ্যখনৰ ৰাজনৈতিক পৰিস্থিতি উত্তপ্ত কৰি তুলিছে৷
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
