অসম লাইভ ২৪ঃ জুবিনে গাইছে, ‘মন গ’লে মোৰ কাষলে আহিবা এদিন অকলে, কিদৰে শুওঁ, কি দৰে খাওঁ চাই যাবা আহি নিৰলে…’৷ গীতটি গোৱাৰ মাজতেই স্বভাৱসুলভ ভাৱে জুবিনে ক’লে কেইটিমান বিশেষ কথা৷ জুবিনে গীতটি পৰিবেশন কৰি থকাৰ মাজতেই অতীত ৰোমন্থন কৰি ক’লে, ‘এই গীতটি মই মোৰ প্ৰেয়সীক লৈ লিখিছিলো৷ সেই সময়ত প্ৰেয়সী ৰুমলৈ আহিব বুলি ক’লেই ডাঙৰ কথা৷ ভাললগা এটাই মন ভৰাই তুলিছিল৷ যেতিয়া প্ৰেয়সীহে আহি ৰুমটো চাই গৈছিলহি৷ এতিয়া আৰু সেই দিনো নাই সেই ভাললগাও নাই৷ প্ৰেমিক-প্ৰেমিকাবোৰ আজিকালি একেলগেই থাকে৷’
ধেমালিৰ চলেৰে জুবিনে অসমৰ সমাজব্যৱস্থাত অহা আমূল পৰিবৰ্তনৰ কথাকেই এবাৰ কৈ গ’ল৷ জুবিনৰ এই বিশেষ ভিডিঅ’ ক্লিপটোৱে সামাজিক মাধ্যমত চৰ্চা লাভ কৰাৰ সময়তে সচেতন মহলেও জুবিনে দাঙি ধৰা এই মন্তব্যত বিচাৰি পাইছে কাৰণ৷
আনহাতে এই ভিডিঅ’ ক্লিপটোক লৈ প্ৰায়সংখ্যক জুবিন অনুৰাগীয়েই কৈছে, ‘কোনে কয় জুবিনে অসমৰ সমাজ জীৱনৰ কথা নাভাৱে? অসমত চলি থকা ঘটনাপ্ৰবাহৰ বিষয়ে জুবিন একো নাজানে?’ জুবিন গাৰ্গৰ খুহুতীয়া কথাৰ মাজত এনেধৰণৰ কথাই আওপকীয়াকৈ সমাজ পৰিবৰ্তনৰ লৈ চিন্তিত অন্য এক জুবিনকেই প্ৰতিফলিত কৰিছে বুলিও সচেতন মহলে মন্তব্য কৰা পৰিলক্ষিত হৈছে৷
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
