অসম লাইভ ২৪ঃ অসমৰ সম্পদ ব্যক্তিগতখণ্ডক চমজাই বিহাৰক প্ৰধানমন্ত্ৰী নৰেন্দ্ৰ মোদীৰ উপহাৰ।বিহাৰত ৩টাকৈ পেট্ৰ’লিয়াম প্ৰকল্প উদ্বোধন কৰে প্ৰধানমন্ত্ৰী মোদীয়ে।ভিডিঅ’ কনফাৰেন্সিঙৰ জৰিয়তে প্ৰকল্প তিনিটা ৰাষ্ট্ৰক উৎসর্গা কৰে প্ৰধানমন্ত্ৰীয়ে। মোদীয়ে উদ্বোধন কৰা প্ৰকল্প ৩টা প্ৰদীপ-হালদিয়া-দুর্গাপুৰ পাইপলাইন প্ৰকল্প দুটা LPG বটলিং প্লাণ্ট।২১ হাজাৰ কোটি টকা ব্যয় সাপেক্ষে বিহাৰত ১০ টা পেট্ৰ’লিয়াম আৰু গেছ প্ৰকল্পত অনুমোদন জনাইছিল কেন্দ্ৰীয় চৰকাৰে। ইয়াৰে ৭টা প্ৰকল্পৰ কাম ইতিমধ্যে সম্পূর্ণ হৈ উঠিছে বুলি সদৰী কৰে প্ৰধানমন্ত্ৰী মোদীয়ে। নতুন ভাৰত আৰু নতুন বিহাৰ গঢ়াত বলিষ্ঠ ভূমিকা গ্ৰহণ কৰা বুলি বিহাৰৰ মুখ্যমন্ত্ৰী নীতিশ কুমাৰক প্ৰশংসা কৰে মোদীয়ে। বিহাৰত ১০টাকৈ পেট্ৰ’লিয়াম আৰু গেছ প্ৰকল্প। ইয়াৰ দ্বাৰা স্বাভাৱিকতে উপকৃত হ’ব দেশবাসী। ভাল কথা। কিন্তু অসমকে ধৰি উত্তৰ-পূর্বাঞ্চলৰ ক্ষেত্ৰত কিয় মাহীআইৰ দৃষ্টি মোদীৰ? অসমৰ এটাৰ পাছত আনটো তেল-গেছ প্ৰকল্প ব্যক্তিগত খণ্ডক বিক্ৰী কৰিছে কেন্দ্ৰীয় চৰকাৰে। তৈলক্ষেত্ৰত অসমৰ ইতিহাস এচিয়াৰ ভিতৰতে পুৰণি। ১৮৬৭ চনত ব্ৰিটিছ আমোলত ইটালীৰ অভিযন্তা এজনে ডিগবৈত আৱিষ্কাৰ কৰিছিল তৈল ভাণ্ডাৰ। তাৰ পাছত খনন আৰু বিপণনে সময়ৰ লগত খোজ মিলাই অগ্ৰগতি লাভ কৰে। এনেদৰে সময়ৰ সোঁতত অসংখ্য তৈলখাদ আৱিস্কাৰ হয় এই অসমভূমিত। তৈলজাত সামগ্ৰীৰ বাবে অসম আজি জগত বিখ্যাত। কিন্তু ইতিহাস আৰু প্ৰচুৰ সম্ভাৱনাক নস্যাৎ কৰি অসমৰ তৈল খাদসমূহ ব্যক্তিগত খণ্ডক বিক্ৰী কৰাৰ বাবে তৎপৰ হৈ উঠিছে মোদী চৰকাৰ। ধ্বংসৰ গৰাহত ৰাজ্যত কাগজ কল, চেনি কল, বস্ত্ৰ উদ্যোগ ইত্যাদি। ইয়াৰ বিপৰীতে কিন্তু বিহাৰত ১০টাকৈ তৈল আৰু গেছ প্ৰকল্প। ই কি সূচায়? ক’লৈ গ’ল মোদীৰ Look east policy?
ক’লৈ গ’ল মোদীৰ উত্তৰ-পূর্বক বিকাশ ইঞ্জিনত পৰিণত কৰাৰ লক্ষ্য? নে উত্তৰ-পূর্বাঞ্চলক লৈ অব্যাহত আছে ঔপনিৱেশিক চিন্তা-চর্চা? এয়াই নেকি প্ৰধানমন্ত্ৰী মোদীৰ অসম দৰদ?
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
