বিকশিত ভাৰতৰ দিশত আৰু এখোজ আগবাঢ়িল অসম। আজি ২০২৪ চনৰ ১৩ মাৰ্চ তাৰিখে সমগ্ৰ দেশৰ লগতে অসমৰ ক্ষেত্ৰতো বিশেষভাৱে উল্লেখযোগ্য দিন। কিয়নো আজি এই বুধবাৰৰ দিনটোতে অসমৰ লগতে দেশৰ অন্য এক ৰাজ্য গুজৰাটতো স্থাপন হ’বলৈ গৈ আছে তিনিটা বৃহৎ প্ৰকল্প। যি প্ৰকল্পই বিশ্বৰ দৰবাৰত নাম উজলাব দেশৰ।
টাটাই নিৰ্মাণ কৰিব লগা এই তিনিওটা প্ৰকল্পৰ আজি প্ৰধানমন্ত্ৰী নৰেন্দ্ৰ মোদীয়ে ভাৰ্চুৱেলী শিলান্যাস কৰে। ১.২৫ কোটি টকা ব্যয় সাপেক্ষে নিৰ্মাণ কৰা হ’ব এই তিনিওটা প্ৰকল্প। টাটা ছেমি কণ্ডাক্টৰ এছেম্বলী এণ্ড টেষ্ট প্ৰাইভেট লিমিটেড (Tata Semiconductor Assembly and Test Pvt Ltd (“TSAT”))ৰ এই প্ৰকল্প অসমৰ মৰিগাঁওস্থিত মৰিশালিত পৰিণত হোৱা কাগজকলৰ সেই ঠাইতে নিৰ্মাণ কৰা হ’ব। আনহাতে দেশৰ অন্য দুটা প্ৰকল্প গুজৰাটতে নিৰ্মাণ কৰা হ’ব।
গুজৰাটত ঢোলেৰা স্পেচিয়েল ইনভেছমেণ্ট ৰিজন (Dholera Special Investment Region (DSIR), আৰু ছানন্দ (Sanand) নামেৰে স্থাপন হ’ব দুয়োটা প্ৰকল্প। ইয়াৰ লগতে অসমৰ মৰিগাঁৱত আউটচ’ৰ্চড ছেমিকণ্ডাক্টৰ এছেম্বলী এণ্ড টেষ্ট (Outsourced Semiconductor Assembly and Test (OSAT) facilities) নামে।
অসমত ২৭ হাজাৰ কোটি টকা ব্যয় সাপেক্ষে নিৰ্মাণ হ’ব লগা এই প্ৰকল্পত ৩০ হাজাৰৰো অধিক লোকে নিয়োগ পোৱাৰ সম্ভাৱনা আছে বুলি আজি মুখ্যমন্ত্ৰী শৰ্মাই সদৰি কৰাৰ লগতে ভৱিষ্যতে প্ৰযুক্তিৰ দিশত এই প্ৰকল্পৰ জৰিয়তে চিপ নিৰ্মাণ কৰি দেশে বহু দূৰ আগবাঢ়ি যাব পাৰিব বুলিও মন্তব্য দাঙি ধৰে।
Read More- ঘোষণা হ’ল বিজেপিৰ চূড়ান্ত তালিকা; আখৰে আখৰে মিলিল NB NEWSৰ সম্ভাব্য প্ৰাৰ্থী তালিকা
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
