অসম লাইভ২৪ঃ চলিত বছৰত ‘বাস্তিল ডে পেৰেড’ অনুষ্ঠানত আমন্ত্ৰিত হৈছে প্ৰধানমন্ত্ৰী নৰেন্দ্ৰ মোদী। শুকুৰবাৰে টুইটযোগে এই কথা প্ৰকাশ কৰিছিল প্ৰধানমন্ত্ৰী নৰেন্দ্ৰ মোদীয়ে। ফ্ৰান্সৰ প্ৰেছিডেণ্ট ইমানুৱেল মেক্ৰণে আমন্ত্ৰণ কৰিছে মোদীক। উল্লেখ্য যে ১৪ জুলাইত পেৰিছত আয়োজিত হ’ব বাস্তিল ডে পেৰেড। তাত মোদীৰ সমান্তৰাকৈ উপস্থিত থাকিব অসম কন্যা প্ৰিয়ংকা দাস ৰাজকাকতি। মোদীৰ দুদিনীয়া ভ্ৰমণসূচীত মোদীৰ সৈতে থাকিব অসম কন্যা প্ৰিয়ংকা। প্ৰিয়ংকা দাস ৰাজকাকতি এগৰাকী এৰোস্পেছ অভিযন্তা।
ফ্ৰান্সত হ’বলগীয়া এই নৈশ ভোজনত অসমৰ জীয়াৰী প্ৰিয়ংকাই ‘অসমীয়া মেখেলা চাদৰ’ পৰিধান কৰিব। অসমত জন্মলাভ কৰা প্ৰিয়ংকাৰ শৈশৱ কৈশোৰ দিল্লীতেই পাৰ হৈছে। প্ৰিয়ংকাৰ পিতৃ মনোজ কুমাৰ দাস উত্তৰ পূব উন্নয়ন বিত্ত নিগমৰ এগৰাকী শীৰ্ষ বিষয়া। অসমৰ ধেমাজীৰ বাসিন্দা মনোজ কুমাৰ দাস। প্ৰিয়ংকাৰ মাতৃ অজন্তা বৰুৱাও এগৰাকী সু প্ৰতিষ্ঠিত চিকিৎসক। বৰ্তমান পেৰিছত বাস কৰে প্ৰিয়ংকাই। তেওঁ ফ্ৰান্সৰ প্ৰাক্তন ছাত্ৰ-ছাত্ৰী সমাৰোহত এগৰাকী প্ৰাক্তন শিক্ষাৰ্থী ৰাষ্ট্ৰদূত। এৰোস্পেছ ইঞ্জিনীয়াৰ হিচাপে তেওঁ আন্তৰ্জাতিক মহাকাশ কেন্দ্ৰত এবছৰ অতিক্ৰম কৰিছে। ২০১৯ চনত তেওঁ এণ্টাৰ্কটিকালৈ মহিলা বিজ্ঞানীৰ দল এটা লৈ যাত্ৰাও কৰিছিল।
প্ৰিয়ংকা দাস ৰাজকাকতি কোন?
প্ৰিয়ংকাই সৰুতেই পিতৃৰ আঙুলিত ধৰি আকাশৰ বুকুত উৰাৰ সপোন দেখিছিল। প্ৰিয়ংকাৰ শৈশৱৰ সেই সপোন এতিয়া পূৰ্ণ হৈছে। বিশ্বৰ অন্যতম এটা উৰণ সংস্থাৰ সৈতে তেওঁ চুক্তিবদ্ধ। পাইলট নহ’লেও উৰাজাহাজৰ পৰা উপগ্ৰহলৈকে সকলো উৰুওৱাৰ কথা তেওঁৰ নখদৰ্পণত। অদূৰ ভৱিষ্যতে ভাৰতীয় বায়ুসেনাৰ হাতলৈ আহিবলগা অত্যাধুনিক ৰাফেল বিমান তৈয়াৰ কৰাৰ সংস্থা ‘ছাফ্ৰান’ সংস্থাৰ সৈতে তেওঁ চুক্তিবদ্ধ। মাত্ৰ ২৭বছৰ বয়সতেই ‘ছাফ্ৰান’ৰ গুৰুত্বপূৰ্ণ অংশ হৈ পৰিছে অসম কন্যা প্ৰিয়ংকা। প্ৰিয়ংকাই ইতিমধ্যেই ফ্ৰান্সৰ নাগৰিকত্ব লাভ কৰিছে।
প্ৰিয়ংকাৰ পিতৃ মনোজ দাস পেছাত এগৰাকী ইঞ্জিনীয়াৰো। গুৱাহাটীৰ নেডফি হাউছৰ তেওঁ ডাইৰেক্টৰ। মাতৃ অজন্তা বৰুৱা দিল্লীৰ স্বাস্থ্য বিভাগত কৰ্মৰত। প্ৰিয়ংকাৰ আইতাক ঠাকুৰ্দা দাসে নাতিনীয়েকক এগৰাকী মহাকাশ বিজ্ঞানী হিচাপে গঢ়ি তোলাৰ সপোন দেখিছিল। আইতাক ঠাৰ্কুদাই নাতিনীয়েকক আকাশলৈ দেখুৱাই কৈছিল, ‘তাত তুমি এদিন উৰিবা।’ আইতাকে ভৱামতেই প্ৰিয়ংকা এতিয়া এগৰাকী এৰোস্পেছ অভিযন্তা।
দিল্লীৰ চেণ্ট ষ্টিফেন্স কলেজৰ পৰা পদাৰ্থ বিজ্ঞানত স্নাতক প্ৰিয়ংকাই ১৭৯৮ চনত নেপোলিয়ানৰ ‘ইকল পলিটেকনিক’ কলেজত সুযোগ পায়। পেৰিছৰ পৰা প্ৰিয়ংকাই জনাই যে, ‘ফ্ৰান্স চেন্টাৰ ফৰ স্পেছ ষ্টাডিছ’ত আয়োজিত ‘একুইন স্পেছ’ বিজ্ঞান সমাবেশত চলাৰ পেনেলৰ নক্সা তৈয়াৰ কৰি পেৰিছৰ ভিতৰত প্ৰথম হোৱাৰ বিপৰীতে দেশৰ ভিতৰত পঞ্চম হয়। মাইক্ৰ ছেটেলাইট ‘কিউবি-৫০’, ‘এটলাছ-৫’ ৰকেটৰ মাধ্যমেৰে মহাকাশলৈ পঠোৱা হয়। তাতো তেওঁ কৰ্মৰত হৈ আছে। মহাকাশ স্পৰ্শ কৰিব পাৰিলেই মোৰ সপোন সাৰ্থক হ’ব বুলি বহুকেইটা ইণ্টাৰভিউ’ত জনাইছে প্ৰিয়ংকাই।
নাছাত থকা বিশ্বৰ ৩২ জন বিজ্ঞানীৰ ভিতৰত স্থান লাভ কৰিছে প্ৰিয়ংকাই। নাছাৰ ‘জেট প্ৰপালছন লেবৰটৰীত’ কাম কৰাৰ সুযোগ লাভ কৰিছে প্ৰিয়ংকাই। ইকলৰ পৰা ডাটা চায়েন্সৰ স্নাতকোত্তৰ ডিগ্ৰী লোৱাৰ পাছত তেওঁ ব্ৰাজিলৰ ছাও পাওলো বিশ্ববিদ্যালয়ৰ পৰা ৰোবোটিক্স আৰু আৰ্টিফিছিয়েল ইণ্টেলিজেন্সত কাম কৰি আছে। ইয়াৰ পাছতেই ‘আইএছএই’ চুপাৰৰ পৰা এয়াৰোস্পেছ ইঞ্জিনিয়াৰিঙত দ্বিতীয়বাৰৰ বাবে স্নাতকোত্তৰ ডিগ্ৰী লয় প্ৰিয়াংকাই। তাৰপাছতেই তেওঁ ছাফ্ৰানৰ গৱেষণা প্ৰকল্পত ভৰি দিয়ে।
বিশ্ববিখ্যাত প্ৰতিৰক্ষা আৰু প্ৰযুক্তি সংস্থা ‘ছাফ্ৰান’য়ে যুদ্ধবিমান, হেলিকপ্টাৰ, ড্ৰোণ, ৰণতৰী, মিছাইলৰ বাবে উন্নতম প্ৰযুক্তি তৈয়াৰ কৰি আহিছে। ভাৰতে ক্ৰয় কৰা ৰাফেলৰ প্ৰযুক্তিৰ বহু সামগ্ৰীয় ছাফ্ৰানতেই তৈয়াৰ হৈছে। অসমকন্যা প্ৰিয়ংকাই চেটেলাইট নেভিগেছন চিষ্টেমৰ ক্ষুদ্ৰাতিক্ষুদ্ৰ তথ্য আদান-প্ৰদান বিভাগত কাম কৰে প্ৰিয়ংকাই। সেই প্ৰিয়ংকাই এতিয়া প্রধানমন্ত্ৰী মোদীৰ সৈতে ফ্ৰান্সত বিশেষ ডিনাৰত অংশগ্ৰহণ কৰিব।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
