অসম লাইভ২৪ঃ অনলাইন এপৰ জৰিয়তে খাদ্য অৰ্ডাৰ কৰাটো এতিয়া প্ৰায়সমূহ চহৰ নগৰতে সম্ভৱ। বিৰিয়ানী, পিজ্জা আদি বহুতেই অনলাইন এপৰ জৰিয়তে অৰ্ডাৰ কৰে। এনেদৰে অনলাইনত অৰ্ডাৰ দিয়া খাদ্য ডেলিভাৰি দিবলৈ গৈয়েই প্ৰেম হ’ল এজন যুৱকৰ। অনলাইন অৰ্ডাৰ ডেলিভাৰি বয়ৰ পৰা প্ৰেমৰ প্ৰস্তাৱ লাভ কৰি অবাক হৈ পৰে যুৱতীও। বৃহস্পতিবাৰে নিশা উত্তৰপ্ৰদেশৰ ঘটিছে এই ঘটনা। পিজ্জা ডেলিভাৰি বয়ৰ এই প্ৰস্তাৱে এতিয়া দৃষ্টি কাঢ়িছে বহুতৰে।
পিজ্জা অৰ্ডাৰ কৰা যুৱতীগৰাকীৰ নাম কণিষ্কা। কণিষ্কাই ইতিমধ্যে এই ঘটনাক লৈ আৰক্ষীৰ কাষ চপাৰ পাছতেই পোহৰলৈ সমগ্ৰ ঘটনা। পিজ্জা ডেলিভাৰি দিবলৈ যোৱা যুৱকজনৰ নাম কবীৰ। ঘটনাটো শুকুৰবাৰৰ নিশা। শুকুৰবাৰে নিশা কণিষ্কাই পিজ্জা অৰ্ডাৰ কৰাৰ পাছতেই কণিষ্কাৰ ফোন নম্বৰটো লাভ কৰে কবীৰে। নিশাই কণিষ্কাৰ নম্বৰত মেছেজ দিবলৈ আৰম্ভ কৰে। পোনতে কবীৰে দিয়ে, ‘মোৰ নাম কবীৰ। তোমাৰ ঘৰত পিজ্জা দিবলৈ গৈছিলো। তোমাক মোৰ ভাল লাগিছে।’ কবীৰৰ এই মেছেজৰ স্ক্ৰীণশ্বট টুইটাৰত নিজেই শ্বেয়াৰ কৰিছে কণিষ্কাই।
কণিষ্কাই টুইটাৰত লিখিছে, ‘অনলাইন ডেলিভাৰি বয়ৰ নাম কবীৰ। দোকানত তেওঁৰ নাম মন্নু। আইডি ত লিখা আছে কবীৰবাবুল। মোৰ সি এড্ৰেছ লাভ কৰিছে। কাইলৈ যদি মই বিপদত পৰো কি হ’ব?’ কণিষ্কাৰ টুইট ইতিমধ্যে উত্তৰপ্ৰদেশৰ আৰক্ষীয়েও প্ৰত্যক্ষ কৰিছে। আৰক্ষীয়ে লগে লগেই যুৱতীগৰাকীৰ সুৰক্ষা নিশ্চিত কৰি নিৰাপত্তাৰ আশ্বাসো দিছে কণিষ্কাক। আৰক্ষীৰ আশ্বাসৰ পাছতেই পিজ্জা প্ৰস্তুতকাৰী সংস্থাৰ বিৰুদ্ধে আইনী ব্যৱস্থা লোৱাৰো কথা টুইটত প্ৰকাশ কৰিছে কণিষ্কাই।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
