অসম লাইভ ২৪ঃ পুনৰ যুদ্ধবিৰতিৰ চুক্তি উলংঘন কৰিলে পাকিস্তানে। দেওবাৰে নিশা পুঞ্চ জিলাৰ বালাকোট ছেক্টৰত গুলীবৰ্ষণ কৰে পাকিস্তানী সেনাই। ইয়াৰ পূৰ্বে দেওবাৰে বিয়লিও যুদ্ধবিৰতি উলংঘন কৰিছিল পাকিস্তানে। কেৱল সেয়াই নহয়, পাক সেনাই একেৰাহে ৭টাকৈ দিন সীমান্তৰ দিকবাৰ আৰু মাল্টি ছেক্টৰত ভাৰতীয় সেনালৈ লক্ষ্য কৰি গুলীবৰ্ষণ কৰি আছে। অৱশ্যে ভাৰতীয় সেনাই দিছে ইয়াৰ প্ৰত্যুত্তৰ। উল্লেখযোগ্য যে, ২০২১ বৰ্ষৰ প্ৰথমটো দিনটো যুদ্ধবিৰতি উলংঘন কৰিছিল পাকিস্তানে। নৌচেৰা ছেক্টৰৰ সীমাত ভাৰতীয় সেনালৈ লক্ষ্য কৰি গুলীবৰ্ষণ কৰিছিল পাকিস্তানী সেনাই। য’ত শ্বহীদ হৈছিল সেনাৰ নায়ক চুবেদাৰ ৰবীন্দৰ সিং। ভাৰতীয় সেনাই ইয়াৰ প্ৰত্যুত্তৰত কৰা গুলীবৰ্ষণতো এগৰাকী পাকিস্তানী সেনাৰ মৃত্যু হৈছিল।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
