এসময়ত বাতৰি বিলোৱা গৌৰৱ হ’লগৈ MBBS ৰ ছাত্ৰ৷
NEET পৰীক্ষাত উত্তীৰ্ণ হৈ পশ্চিমবংগৰ মেডিকেল কলেজত নামভৰ্তি গৌৰৱৰ৷
নলবাৰীৰ বেলশৰৰ নহিকাকুছি চুবুৰীৰ নিৰঞ্জন বৈশ্য আৰু অঞ্জু বৈশ্যৰ একমাত্ৰ পুত্ৰ গৌৰৱৰ সফলতাত আজি মাতৃৰ চকুত চকুলো৷
খবৰ কাকতবোৰত এদিন আনৰ সফলতা দেখা গৌৰৱৰ আজি নিজৰ সফলতা প্ৰকাশ পালে৷
গৌৰৱে ক’লে, ‘এদিন পেপাৰ বিলাব গৈ আনৰ সফলতাৰ কথা প্ৰকাশ হোৱা দেখিছিলো৷’
‘কিন্ত আজি তেনেদৰে মোৰো নাম আহিল মই আনন্দিত৷’
দেউতাক নিৰঞ্জন বৈশ্য অসুস্থ হোৱাৰ পিছত পুৱা হকাৰৰ কাম কৰি নিশা ২ বজালৈ পঢ়িছিল গৌৰবে৷
থাকিবলৈ এটা সাধাৰণ বাসগৃহ, কোনোমতে পৰিয়ালটো চলি আছে৷
কিন্ত পুত্ৰৰ সফলতাত আজি আনন্দিত স্থানীয় লোক তথা পৰিয়াল৷
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
